যোৰহাট, 30 জানুৱাৰীঃ যোৰহাটত গদ ধন সহ চোৰে লুটিলে প্ৰায় ১০ লাখ টকাৰ সামগ্ৰী ৷ যোৰহাটৰ ৰজা মৈদামৰ দিগম্বৰ চুকৰ ২নং ৱাৰ্ডত সংঘটিত হৈছে এই ঘটনা ৷ হেমন্ত তামুলী আৰু মীৰা দত্ত নামৰ দম্পতীৰ ঘৰত চোৰে চলায় চাফাই অভিযান ৷ হেমন্ত তামুলী আৰু মীৰা দত্তৰ জীয়েকৰ বিবাহ উপলক্ষে পৰিয়ালৰ সকলো লোক উপস্থিত আছিল বিবাহ ভৱনত ৷ সেই সুযোগ গ্ৰহণ কৰিয়েই চোৰে পিছফালৰ দুৱাৰ ভাঙি ঘৰত প্ৰবেশ কৰে ৷ আলমাৰি ভাঙি নগদ ধনৰ লগতে আন অলংকাৰ আৰু অন্যান্য সামগ্ৰী লুটি লৈ যায় চোৰে ৷ ইতিমধ্যে ভুক্তভোগী পৰিয়ালটোৱে যোৰহাট আৰক্ষী থানাত দাখিল কৰে এজাহাৰ ৷ এজাহাৰৰ ভিত্তিতে অভিযান আৰম্ভ কৰিছে যোৰহাট আৰক্ষীয়ে ৷
নলবাৰী, 30 জানুৱাৰীঃ নলবাৰীৰ ভদ্ৰাত নিশা মন্দিৰত চুৰি । ভদ্ৰা গাঁৱৰ প্ৰদীপ বেজবৰুৱাৰ ঘৰৰ ব্যক্তিগত গোপাল মন্দিৰৰ পৰা নিশা তলা ভাঙি সোণৰ গোপাল মূৰ্ত্তিসহ সোণৰ কাণফুলি ৰূপৰ চেইন চুৰি কৰি উধাও হয় চোৰ । বিদ্যাৰ অধিষ্ঠাত্ৰী দেৱীৰ পূজাৰ নিশাই চুৰি হোৱা ঘটনাই তীব্ৰ চাঞ্চল্যৰ সৃষ্টি কৰিছে অঞ্চলজুৰি ।
উল্লেখ্য যে, গোপাল মন্দিৰটোত থকা সোণৰ মূৰ্ত্তিটোৰ ওজন প্ৰায় ৩৫০ গ্ৰাম । বৰ্তমান ঘটনাস্থলীত নলবাৰী আৰক্ষী উপস্থিত হৈ আৰম্ভ কৰিছে তদন্ত ।
আৰু পঢ়কঃ পাঁচ দিনৰ আৰক্ষীৰ জিম্মালৈ ছাৰ্জীল ইমাম
