টীয়ক/চিটাৰা ডেস্ক, 23 এপ্ৰিল : ৰঙালীৰ উছাহৰ মাজতে ৰাজ্যলৈ সুখবৰ ৷ গুৱাহাটীত অনুষ্ঠিত সৌন্দৰ্য প্ৰতিযোগিতাত অংশগ্ৰহণ কৰি শ্ৰেষ্ঠ বঁটাৰ সন্মান লাভ কৰিবলৈ সক্ষম হৈছে টীয়কৰ শ্ৰেষ্ঠা সুধাই (Assamese girl in beauty pageant contest) ৷ অলপতে স্পাৰ্কে গুৱাহাটীত আয়োজন কৰিছিল এক সৌন্দৰ্য প্ৰতিযোগিতা (Miss Teen Assam title) ৷ বিভিন্ন স্থানৰ প্ৰতিযোগীৰে ভৰি পৰিছিল অনুষ্ঠানটো ৷
উক্ত সৌন্দৰ্য প্ৰতিযোগিতাত অংশগ্ৰহণ কৰি টীয়কৰ বামুণপুখৰী খাৰঘৰীয়া গাঁৱৰ প্ৰাঞ্জল মহন্ত আৰু নৱনীতা মহন্তৰ একমাত্ৰ কন্যা শ্ৰেষ্ঠাই আঁজুৰি আনিলে MISS TEEN ASSAM খিতাপ (Assamese girl who wins miss assam title) ৷ শ্ৰেষ্ঠা অষ্টম শ্ৰেণীৰ ছাত্ৰী ৷ মডেলিঙৰ সমান্তৰালকৈ নৃত্যও কৰিও ভাল পাই শ্ৰেষ্ঠাই ৷ সুন্দৰকৈ বিহু নাচ কৰা শ্ৰেষ্ঠা পঢ়া-শুনাতো পাৰ্গত ৷
শ্ৰেষ্ঠাই মডেলিং জগতত খোজ দিয়া প্ৰায় দুবছৰ হৈছে ৷ উল্লেখযোগ্য যে ইয়াৰ পূৰ্বেও বিভিন্ন সৌন্দৰ্য প্ৰতিযোগিতাত অংশ গ্ৰহণ কৰি খিতাপ বুটলিবলৈ সক্ষম হৈছে শ্ৰেষ্ঠা ৷ নিজ পাৰদৰ্শিতাৰে LITTLE DIVA MISS ASSAM SEASON-3 প্ৰতিযোগিতাত দ্বিতীয় ৰানাৰ্চ আপৰ খিতাপ দখল কৰিছিল শ্ৰেষ্ঠাই ৷
বামুণপুখুৰীৰ দৰে অঞ্চলৰ পৰা গৈ ৰাজ্যিক পৰ্যায়ৰ এনে জনপ্ৰিয় সৌন্দৰ্য প্ৰতিযোগিতাত উদিয়মান ছাত্ৰীগৰাকীয়ে দেখুওৱা পাৰদৰ্শিতাত এতিয়া সকলো আনন্দিত হৈ পৰিছে (Miss Teen Assam contest) । ভৱিষ্যতে মডেলিং জগতখনতেই আগবাঢ়ি যোৱাৰ সপোন শ্ৰেষ্ঠাৰ ৷ হৰনাজ সন্ধুক আদৰ্শ হিচাপে গণ্য কৰে শ্ৰেষ্ঠাই ৷
লগতে পঢ়ক: Palak Tiwari latest news: শ্বেতা তিৱাৰীক হট্ মামা বুলি ক’লে বেয়া পাই পলকে
