যোৰহাট, 13 জানুৱাৰীঃ যোৰহাটত চাঞ্চল্যকৰ ঘটনা । এজন ব্যক্তিৰ পৰা থপিয়াই লৈ গ'ল 4 লাখকৈ টকা । যোৰহাট চহৰৰ মাজমজিয়াস্থিত ভাৰতীয় ষ্টেট বেংকৰ পৰা সোমবাৰে আবেলি পৰত পত্নীৰ সহিতে আহি উলিয়াইছিল টকাখিনি । তেনে অৱস্থাতে কোনো দুৰ্বৃত্তই ব্যক্তিগৰাকীৰ পৰা থপিয়াই লৈ যায় টকাখিনি ৷
উল্লেখ্য যে, জল সম্পদ বিভাগৰ কৰ্মচাৰী কৰ্ণ ডেকা নামৰ ব্যক্তি গাৰীকয়ে ষ্টেট বেংকৰ পৰা চাৰি লাখ টকা উলিয়াই আনি ঘৰলৈ গৈ থকা অৱস্থাতে ৰজাবাৰী অঞ্চলৰ ডিটিঅ অফিচৰ সন্মুখত ক'লা পালছাৰ বাইকত অহা দুজন যুৱকে থপিয়াই লৈ যায় টকাখিনি ৷ আনহাতে, ঘটনা সন্দৰ্ভত ইতিমধ্যে চিনামৰা আৰক্ষীয়ে তদন্ত আৰম্ভ কৰিছে । ঘৰ নিৰ্মাণ কৰিবলৈ ঋণ লৈছিল কৰ্ণ ডেকাই । টকা হেৰুৱাই বৰ্তমান অসুস্থ হৈ পৰিছে ব্যক্তি গৰাকী ।
হাইলাকান্দি, 13 জানুৱাৰীঃ হাইলাকান্দিত ATM ত ডকাইতি । দেওবাৰে ৰাতি ষ্টেট বেংক অফ ইণ্ডিয়াৰ ATM কাটি লুট কৰি নিয়ে প্ৰায় 27 লাখ টকা । ঘটনাৰ লগত জড়িত থকাৰ সন্দেহত ইতিমধ্যে গ্ৰেপ্তাৰ দুজনকৈ যুৱক ।
উল্লেখ্য যে, ১২ জানুবাৰী নিশা হাইলাকান্দিৰ আলগাপুৰ বজাৰস্থিত ATM মেচিন কাটি লৈ যায় ধন ৷ আনহাতে, সোমবাৰে ৰাতিপুৱা আলগাপুৰ আৰক্ষীয়ে অভিযান চলাই গ্ৰেপ্তাৰ কৰে আবিদুল্লাহ বড়ভূঞা নামৰ এগৰাকী যুৱকক । ধৃত আবিদুল্লাহ ইয়াৰ পূৰ্বেও ATM চোৰৰ অভিযোগত গ্ৰেপ্তাৰ হৈছিল বুলি জানিবলৈ দিয়ে আৰক্ষীয়ে।
আৰু পঢ়কঃ বিধানসভাৰ জৰুৰীকালীন অধিৱেশনত "কা" বিৰোধী প্ৰতিবাদ
