নিউজ ডেস্ক, 1 অক্টোবৰঃ ৰাজ্যজুৰি আজি পালন কৰা হৈছে সদৌ অসম গ্ৰামোন্নয়ন আৰু পঞ্চায়তৰ ঠিকাভিত্তিক কৰ্মচাৰীৰ ব্যাপক প্ৰতিবাদ ৷
বাক্সা, টীয়ক, কলগাছিয়া, বিহালী, যোৰহাট, আমগুৰি, বজালী, ৰঙিয়াত দেখা গৈছে ব্যাপক প্ৰতিবাদ ৷ উচ্চতম ন্যায়ালয়ৰ নিৰ্দেশানুসৰি সম কাম সম বেতন, চাকৰি নিয়মীয়াকৰণ, চৰকাৰী সা-সুবিধা, মানৱ সম্পদ নীতি (HR Policy), প্ৰযোজ্য কৰাৰ দাৱীত পঞ্চায়ত আৰু গ্ৰামোন্নয়ন বিভাগৰ ঠিকাভিত্তিক কৰ্মচাৰীসকলে প্ৰতিবাদ কাৰ্যসূচী ৰূপায়ন কৰে ৷ ইতিমধ্যে পাঁচদিনৰ কৰ্মবৰতি নামিছে কৰ্মচাৰী সকল ৷ প্ৰথম অৱস্থাত তিনি দিন আৰু দ্বিতীয় অৱস্থাত দুদিনীয়া কৰ্মবিৰতি পালন কৰিব ৰাজ্যৰ গ্ৰামোন্নয়ন আৰু পঞ্চায়তৰ ঠিকাভিত্তিক কৰ্মচাৰীসকলে ৷
বিগত ১০ বছৰ ধৰি প্ৰায় দহ হাজাৰ ঠিকাভিত্তিক কৰ্মচাৰীৰ চাকৰি সুনিশ্চিত কৰাৰ লগতে নিয়মীয়া কৰণৰ দাবী জনাই আহিছে যদিও চৰকাৰে কোন ধৰণৰ গুৰুত্ব নিদিয়াৰ অভিযোগ উত্থাপন হৈছে ৷ যদিহে অতি সোনকালে উক্ত দাবী সমূহ পূৰণ নকৰে তেন্তে অনাগত দিনত অনিদিৰ্ষ্ট কাললৈ অৱস্থান ধৰ্মঘট পালনৰ হুংকাৰ প্ৰদান কৰিছে সন্থাটোৱে ৷
