যোৰহাট,১২ মে': ৰাজ্যৰ আন আন জিলাৰ সমান্তৰালকৈ যোৰহাট জিলাত মহামাৰীৰ সংক্ৰমণ প্ৰতিদিনে বৃদ্ধি পাইছে । জিলাখনৰ সাম্প্ৰতিক পৰিস্থিতিৰ প্ৰতি লক্ষ্য ৰাখি যোৰহাট জিলা প্ৰশাসনেও কঠোৰ পথ অৱলম্বন কৰিবলৈ চেষ্টা কৰিছে । যাৰ ফলত চহৰখনত ব্যাপক যান-বাহনৰ ভীৰ আৰু মানুহৰ সমাগম হ্ৰাস কৰিবলৈ চহৰখনত যান-বাহন চলাচল কৰাৰ ক্ষেত্ৰত বান্ধি দিছে নতুন নিয়ম ৷
১৩ মে'ৰ পৰা সমগ্ৰ যোৰহাট জিলাত যুগ্ম সংখ্যাৰ তাৰিখত যুগ্ম সংখ্যাৰ বাহন আৰু অযুগ্ম সংখ্যাৰ তাৰিখত অযুগ্ম সংখ্যাৰ বাহন চলাবলৈ নিৰ্দেশ জাৰি কৰে যোৰহাট জিলা প্ৰশাসনৰ । পুৱা ৫ বজাৰ পৰা দিনৰ ২ বজালৈকে চলাব পাৰিব বাহন । বৃহস্পতিবাৰৰ পৰা প্ৰযোজ্য হ'ব এই নতুন নিয়ম ।
উল্লেখযোগ্য যে, ৰাজ্য চৰকাৰৰ দুৰ্যোগ ব্যৱস্থাপনা বিভাগৰ যোগেদি ইতিমধ্যে ক'ভিডৰ ভয়াৱহ সংক্ৰমণ ৰোধৰ বাবে নতুন নিৰ্দেশনা জাৰি কৰিছে । সমান্তৰালকৈ যোৰহাট জিলা প্ৰশাসনে এই ব্যৱস্থা গ্ৰহণ কৰিব । জিলাখনত দৈনিক বৃদ্ধি পাইছে ক'ভিডত আক্ৰান্ত লোকৰ সংখ্যা । ইতিমধ্যে জিলাখনত এতিয়ালৈ ১,০৫০ গৰাকী আক্ৰান্তৰ সংখ্যা বৃদ্ধি পাইছে ৷ লগতে মৃত্যুৰ সংখ্যা ৯৫ গৰাকীলৈ বৃদ্ধি পাইছে ।
লগতে পঢ়ক: শোণিতপুৰত ৩ গৰাকী কৰ'ণা আক্ৰান্তৰ মৃত্যু
