যোৰহাট, 9 নৱেম্বৰ : ‘‘মাননি নহয়, মজুৰি দিয়ক ৷ অসম তথা কেন্দ্ৰীয় চৰকাৰে ৰাজ্যৰ আশা, অংগনবাড়ী কৰ্মীসকলৰ সমস্যা সমাধান কৰক, চাহ শ্ৰমিক মজুৰি বৃদ্ধি কৰক’’ ইত্যাদি শ্ল’গানেৰে উত্তাল হ’ল যোৰহাটৰ সহকাৰী শ্ৰম আয়ুক্ত কাৰ্যলয়ৰ চৌহদ ৷ নাৰ্য প্ৰাপ্তিৰ দাবীত মঙলবাৰে পুনৰ প্ৰতিবাদত নামিল চিটু ৷
ৰাজ্যৰ তথা দেশৰ সামগ্ৰিক ঘৰুৱা উৎপাদিত(GDP)ৰ ক্ষেত্ৰত তথা দেশৰ উন্নয়নত গুৰুত্বপূৰ্ণ অৰিহণা যোগোৱা শ্ৰমজীৱি ৰাইজৰ হকে কেন্দ্ৰীয় তথা ৰাজ্য চৰকাৰে কোনো ধৰণৰ গুৰুত্ব আৰোপ কৰা নাই ৷ যাৰ ফলত শ্ৰমিক শ্ৰেণীৰ উন্নয়নৰ বিপৰীতে লাভাম্বিত হৈছে উদ্যোগপতিসকল ৷ আনহাতে, অসম চৰকাৰে ৰাজ্যখনৰ ৯৮ টা অনুসুচিত শিল্প উদ্যোগত কৰ্মৰত শ্ৰমিকসকলৰ বাবে মজুৰি সন্দৰ্ভত উপদেষ্টা কমিটিৰ লগত আলোচনাত মিলিত হৈছিল ৷
লগতে পঢ়ক : ক'লৈ গ’ল ৰঙিয়াৰ মেৰাজ আলী !
কিন্তু এই আলোচনা হোৱাৰ পিছতো শ্ৰমিকসকলে উপযুক্ত মজুৰি পোৱা নাই । এই অভিযোগ তৰিছে ভুক্তভোগী শ্ৰমিকসকলে ৷ উপায়ন্তৰ হৈ ভুক্তভোগী শতাধিক শ্ৰমিকসকলে যোৰহাটত চিটুৰ সহযোগত নায্য প্ৰাপ্তিৰ দাবীত উত্তাল হ’ল সহকাৰী শ্ৰম আয়ুক্ত কাৰ্যালয়ৰ চৌহদ ।
উল্লেখ্য যে, এই প্ৰতিবাদী কাৰ্যসূচীত অংশগ্ৰহণ কৰে অংগনবাড়ী কৰ্মী, অংগনবাড়ী কৰ্মী সহায়িকা লগতে ৰন্ধন কৰ্মীসকলে ।
লগতে পঢ়ক : ডিব্ৰুগড়ত আৰক্ষী বিষয়াৰে DGP ভাস্কৰ জ্যোতি মহন্তৰ গুৰুত্বপূৰ্ণ বৈঠক
