তিতাবৰ, 4 ছেপ্টেম্বৰ: তিতাবৰৰ ন্যায়িক আদালতৰ চৌহদৰ পৰা দেওবাৰে হেণ্ডকাফসহ পলায়ন কৰে এটা আচামীয়ে(Accused escapes from court premises with handcuffs) । পলায়ন কৰা আচামীটো গোলাঘাট জিলাৰ উষা গৰঙাৰ কিৰণ নায়ক(22) বুলি জানিব পৰা হৈছে । শনিবাৰে নিশা তিতাবৰ নগৰৰ এখন দোকানত মোবাইল চুৰি কৰোতে স্থানীয় লোকে হাতে-লোটে আটক কৰে চোৰটোক ৷ পাছত স্থানীয় লোকে তিতাবৰৰ আৰক্ষীক গতাই দিছিল চোৰটোক ।
চোৰটোক আজি তিতাবৰ ন্যায়িক আদালতত হাজিৰ কৰাবলৈ নিয়া অৱস্থাত আৰক্ষীৰ চকুত ধূলি দি আদালত চৌহদৰ পৰা পলায়ন কৰে । পলাতক আচামী কিৰণ নায়কক পুনৰ আটক কৰাৰ বাবে তিতাবৰ আৰক্ষীয়ে অভিযান অব্যাহত ৰাখিছে যদিও বৰ্তমানেও কোনো শুংসূত্ৰ উলিয়াব পৰা নাই ৷ সম্প্ৰতি সমগ্ৰ ঘটনাক কেন্দ্ৰ কৰি তিতাবৰত ব্যাপক চাঞ্চল্যই বিৰাজ কৰিছে ।
লগতে পঢ়ক: ভাত ৰান্ধি নিদিয়াৰ বাবেই স্বামীয়ে গুৰিয়াই গুৰিয়াই হত্যা কৰিলে পত্নীক
