জয়ন্ত বৰাৰ হত্যাকাণ্ডঃ বৰহোলাত তিনিমন্ত্ৰী উপস্থিত

মঙলবাৰে জয়ন্ত বৰা গৃহত উপস্থিত হয় অসম চৰকাৰৰ তিনি জন মন্ত্ৰী ৷ মন্ত্ৰী অতুল বৰা উপস্থিত কেবাটাও গুৰুত্ব ঘোষণা কৰে।

যোৰহাট, 16 জুনঃ যোৰহাট জিলাৰ বৰহোলাৰ জয়ন্ত বৰাক সেনাৰ লোকে নিৰ্যাতন চলাই নৃশংসভাৱে হত্যা কৰাৰ ঘটনাই ইতিমধ্যে সমগ্ৰ ৰাজ্যতেই চাঞ্চল্যৰ সৃষ্টি কৰিছে ৷ ইতিমধ্যে মুখ্যমন্ত্ৰী সৰ্বানন্দ সোণোৱালে উক্ত ঘটনাৰ বিৰুদ্ধে তদন্তৰ নিৰ্দেশ দিয়ে ৷ মুখ্যমন্ত্ৰী সৰ্বানন্দ সোণোৱালে কৃষি মন্ত্ৰী অতুল বৰাৰ সৈতে উক্ত ঘটনাৰ সন্দৰ্ভত এখন সভাত মিলিত হয় ৷

উল্লেখ্যে যে, মুুখ্যমন্ত্ৰীৰ সৈতে হোৱা আলোচনাৰ অন্তত তিনিমন্ত্ৰী ক্ৰমে অতুল বৰা,তপন গগৈ,আৰু চুম' ৰংহাং উপস্থিত হয় জয়ন্ত বৰাৰ বাসগৃহত ৷ মন্ত্ৰী অতুল বৰাই বৰহোলাৰ ঘটনা সন্দৰ্ভত চৰকাৰে গ্ৰহণ কৰা কেইবাটাও গুৰুত্বপূৰ্ণ পদক্ষেপৰ কথা ঘোষণা কৰিছে । তিতাবৰৰ SDPO অমৃত কুমাৰ হোজাই,বৰহোলা থানাৰ আৰক্ষী বিষয়া মিন্টু সন্দিকৈ আৰু বেকাজান আৰক্ষী চকীৰ আই চি গোপাল দলেক নিলম্বন কৰা হৈছে ৷ চৰকাৰে এই ঘটনাৰ তদন্তৰ দায়িত্ব আয়ুক্ত ললিত গগৈক প্ৰদান কৰিছে । এসপ্তাহৰ ভিতৰত তদন্তৰ প্ৰতিবেদন দাখিল কৰিবলৈ নিৰ্দেশ দিয়া হৈছে ৷ জয়ন্ত বৰাৰ পৰিয়াললৈ চৰকাৰৰ তৰফৰ পৰা 6 লাখ টকাৰ সাহাৰ্য আগবঢ়োৱা হৈছে । লগতে পৰিয়ালৰ এজনক দিয়া হব সংস্থাপন বুলি ঘোষণা কৰে মন্ত্ৰী জনে ৷ তাৰোপৰি জয়ন্তৰ হত্যাকাণ্ডৰ বিচৰা হব ফাষ্টট্ৰেক আদালত হব বুলিও সদৰি কৰে অতুল বৰাই ৷

লগতে পঢ়ক- সীমান্তত বাজিছে ভাৰত-চীনৰ যুদ্ধৰ দামামা