গুৱাহাটী,৬জুলাই : শনিবাৰে গুৱাহাটী মহানগৰীত সংঘটিত হয় ভয়ংকৰ ঘটনা । মহানগৰীৰ বশিষ্ঠৰ কামাখ্যা কাটাৰ ওচৰত ৰাজেশ চৌহান নামৰ এজন ট্ৰাক চালকক নিৰ্মম ভাৱে প্ৰহাৰ কৰে ট্ৰাকৰ স্বত্বাধিকাৰী কিশোৰ কালিয়া আৰু ৰাকেশ চৌহানে । আক্ৰমণৰ বলি হোৱা ৰাজেশ চৌহানৰ ঘৰ মেঘালয়ত । কাঠৰ বাটাম আৰু বেলচাৰে ৰাজেশক আক্ৰমণ কৰি হত্যাৰ চেষ্টা চলায় ট্ৰাকৰ স্বত্বাধিকাৰী ৰাকেশ আৰু কিশোৰে । ট্ৰাক চালকজনক অট্টালিকাৰ পৰা পেলাই দিবলৈ উদ্যত হয় স্বত্বাধিকাৰী দুজনে । প্ৰাণৰ মমতাত ঘটনাস্থলীৰ পৰা কোনোমতে পলায়ন কৰিবলৈ সক্ষম হয় ট্ৰাক চালকজন । ইফালে, ৰাজেশ ওৰফে ভোলাৰ পৰা 17 হাজাৰ টকাও লুটি লৈ যায় লৈ যায় ট্ৰাক চালকৰ ৰাকেশ আৰু কিশোৰে । ৰাকেশ চৌহানৰ ঘৰ মহাৰাষ্ট্ৰত আৰু কিশোৰৰ ঘৰ হাৰিয়ানাত। সম্প্ৰতি দুয়োজন অভিযুক্তক বশিষ্ঠ আৰক্ষীয়ে আটক কৰিছে । ঘটনা সন্দৰ্ভত আৰক্ষীয়ে অব্যাহত ৰাখিছে তদন্ত ।
উল্লেখ্য যে, কেইমাহ মান পূৰ্বেও মহানগৰীত নিৰ্মম ভাৱে প্ৰহাৰ কৰা হৈছিল আন এজন ট্ৰাক চালকক । ট্ৰাক চালকজনক শিকলিৰে বান্ধি হত্যাৰ চেষ্টা চলোৱা হৈছিল । যাৰ ফলত ট্ৰাক চালকজনৰ এটা চকু নষ্ট হৈ গৈছিল । কিন্তু এই ঘটনাৰ পাছতো আৰক্ষীয়ে কোনো পদক্ষেপ গ্ৰহণ নকৰাত পুনৰ এক অনুৰূপ ঘটনাই জোকাৰি গ'ল মহানগৰী ।
