পুৱা 11 বজাৰ শীৰ্ষ দহটা বাতৰি

পুৱা 11 বজাৰ শীৰ্ষ দহটা বাতৰি

কংগ্ৰেছ আৰু এআইইউডিএফ এটা মুদ্ৰাৰ ইপিঠি-সিপিঠি : মুখ্যমন্ত্ৰী সোণোৱাল

কংগ্ৰেছ আৰু এআইইউডিএফক সমালোচনা মুখ্যমন্ত্ৰী সৰ্বানন্দ সোণোৱালৰ ৷ ধেমেচীত আয়োজিত অসম দিৱসত উপস্থিত হৈ দুয়ো দলে ফাঁকি দি অহা বুলি মন্তব্য মুখ্যমন্ত্ৰী সোণোৱালৰ ৷

প্ৰথম পৰ্যায়ৰ ভোটগ্ৰহণত বিপিএফ প্ৰতিদ্বন্দিতাত নাই : হিমন্ত বিশ্ব শৰ্মা

প্ৰথম পৰ্যায়ৰ ভোটগ্ৰহণত বিপিএফ প্ৰতিদ্বন্দিতাত নাই বুলি দাবী মন্ত্ৰী হিমন্ত বিশ্ব শৰ্মাৰ ৷ পদযাত্ৰাত অংশগ্ৰহণ কৰি সাংসদ দিলীপ শইকীয়াইও কিছু গুৰুত্বপূৰ্ণ মন্তব্য কৰে ৷

বিদায় বেলাত লুৰিনলৈ বিশেষ আহ্বান জনালে আছুৰ সতীৰ্থসকলে । এগৰাকী আপোচবিহীন আৰু বিচক্ষণ নেতা হিচাপে লুৰিনক অভিহিত কৰিলে সকলোৱে ৷

বৃহস্পতিবাৰে এক নতুন জৰীপৰ শুভাৰম্ভণি অইল ইণ্ডিয়া লিমিটেডৰ ৷ ভূ-গৰ্ভস্থ গেদীয় গাঁঠনি তথা ভূমিৰ বিন্যাস সম্পৰ্কে তথ্য আহৰণৰ বাবে এই জৰীপ আৰম্ভ ৷ দুয়োটা জৰীপে প্ৰায় 21,000 কিলোমিটাৰ দূৰত্ব সামৰি ল’ব বুলি অইল ইণ্ডিয়াই সদৰি কৰে ৷

আজি অষ্ট্ৰেলিয়াৰ বিৰুদ্ধে প্ৰথম টি-20 মেচত অৱতীৰ্ণ হ'ব ভাৰতীয় দল ৷ কেনবেৰাৰ মেনুকা অ'ভেলত অনুষ্ঠিত হ'ব প্ৰথমখন টি-20 ৷

কাছাৰ জিলাৰ বেৰেঙ্গাত মৰ্মান্তিক ঘটনা ৷ বাহনৰ ওপৰত গছ পৰি থিতাতে নিহত দুজন ৷ আনহাতে, গুৰুতৰভাৱে আহত আন তিনিজন ৷

5 ডিচেম্বৰৰ পৰা 9 ডিচেম্বৰলৈ পাঁচদিনীয়া ভ্ৰমণসূচীৰে পাঁচ ডিচেম্বৰত অসমলৈ যাব নিখিল ভাৰত কংগ্ৰেছ কমিটিৰ সম্পাদক জীতেন্দ্ৰ সিং ৷

হোজাইৰ ২৭ নং কাকী (মুক্ত) সমষ্টিৰ চূড়ান্ত প্ৰাৰ্থীৰ তালিকা প্ৰকাশ

হোজাই জিলাৰ ২৭ নং কাকী (মুক্ত) সমষ্টিৰ নিৰ্বাচনৰ বাবে চূড়ান্ত প্ৰতিদ্বন্দী প্ৰাৰ্থীৰ তালিকা প্ৰকাশ । ভাৰতীয় জাতীয় কংগ্ৰেছৰ প্ৰাৰ্থী বিজুমনি বৰদলৈ আৰু ভাৰতীয় জনতা পাৰ্টীৰ প্ৰাৰ্থী সুভাষ বসুমতাৰীক চূড়ান্ত প্ৰতিদ্বন্দী প্ৰাৰ্থী হিচাপে ঘোষণা কৰা হয় ৷

APDCL ব্যক্তিগতকৰণৰ বিৰোধিতাৰে মহানগৰীত বিৰোধী দলৰ প্ৰতিবাদ

APDCL ব্যক্তিগতকৰণৰ বিৰুদ্ধে বিৰোধী ৰাজনৈতিক দলে বৃহস্পতিবাৰে মহানগৰীত যৌথ প্ৰতিবাদ সাব্যস্ত কৰে ৷ মহানগৰীৰ পল্টনবজাৰস্থিত বিজুলী ভৱনৰ সন্মুখত প্ৰতিবাদ সাব্যস্ত কৰে ৷ প্ৰতিবাদী কাৰ্যসূচীত অংশগ্ৰহণ কৰে সাংসদ অজিত কুমাৰ ভূঞা ৷

উলুবাৰীত কম্বলেৰে বিচনাৰ তলত মেৰিয়াই থোৱা অৱস্থাত মৃতদেহ উদ্ধাৰ

মহানগৰীৰ উলুবাৰীত মৃতদেহ উদ্ধাৰ ৷ কম্বলেৰে বিচনাৰ তলত মেৰিয়াই থোৱা অৱস্থাত উদ্ধাৰ কৰা হয় মৃতদেহটো ৷