গুৱাহাটী, ১৩ এপ্ৰিল : গুৱাহাটীত উপস্থিত বলীউডৰ মোহময়ী অভিনেত্ৰী ছানিয়া মালহোত্ৰা । শুকুৰবাৰে গুৱাহাটী মহানগৰীৰ জালুকবাৰীস্থিত হোটেল ৰেডিচন ব্লু'ত অনুষ্ঠিত হয় ইনডাৰ্চ প্ৰাইডৰ মেজিকেল নাইট ২০১৯ শীৰ্ষক এখন অনুষ্ঠান । এই অনুষ্ঠানত এক ৰাষ্ট্ৰীয় পৰ্যায়ৰ ফেশ্বন শ্ব'ৰ প্ৰতিযোগিতাও অনুষ্ঠিত হয় । য'ত ভাগ লয় প্ৰায় 30 গৰাকীতকৈ অধিক মডেলে । আনহাতে, এই অনুষ্ঠানত বলীউডৰ মোহময়ী অভিনেত্ৰী ছানিয়া মালহোত্ৰাৰ লগতে বলীউডৰ জনপ্ৰিয় ফেশ্বন ডিজাইনাৰ বৰুণ বাহল, ডিজাইনাৰ পল্লৱী মোহন আৰু অভিনেত্ৰী য়াংকি পৰাশৰ উপস্থিত থাকে ।
আনহাতে, ছানিয়া মালহোত্ৰাই অসমৰ প্ৰকৃতি মনোমোহা বুলি প্ৰকাশ কৰি পুনৰ গুৱাহাটী মহানগৰীৰ সৌন্দৰ্য উপভোগ কৰিবলৈ আহিব বুলি সাংবাদিকৰ আগত প্ৰকাশ কৰে । তাৰোপৰি সাংবাদিকৰ আগত বৰ্তমান এখন নতুন ছবিৰ দৃশ্যগ্ৰহণৰ কামত ব্যস্ত হৈ থকাৰ কথাও জানিবলৈ দিয়ে অভিনেত্ৰীগৰাকীয়ে ।
