গুৱাহাটী, 8 এপ্ৰিল: গুৱাহাটী পৌৰ নিগম এলেকাৰ অধীনস্থ সকলো অঞ্চলতে 22 এপ্ৰিলত সকলো চৰকাৰী, বেচৰকাৰী কাৰ্যালয়, বেংক, শৈক্ষিক প্ৰতিষ্ঠানকে আদি কৰি সকলো ধৰণৰ ব্যৱসায়িক প্ৰতিষ্ঠান আৰু কাৰ্যালয় বন্ধ থাকিব । কিয়নো সেই দিনটোতে অনুষ্ঠিত হ’ব গুৱাহাটী পৌৰ নিগমৰ নিৰ্বাচন (Guwahati municipal corporation election) ।
ৰাজ্য চৰকাৰে শুকুৰবাৰে আনুষ্ঠানিকভাৱে এই বন্ধৰ কথা ঘোষণা কৰে । এন আই এক্টৰ অধীনত ভোটগ্ৰহণ অনুষ্ঠিত হবলগীয়া 22 এপ্ৰিলৰ দিনটোত এই স্থানীয় বন্ধ ঘোষণা কৰিছে চৰকাৰে (Public Holiday declared on April 22 for GMC election) । কিয়নো সেইদিনাই গুৱাহাটী পৌৰ নিগমৰ অধীনস্থ মুঠ ৬০ টা ৱাৰ্ডৰ বাবে নিৰ্বাচন অনুষ্ঠিত হ’ব ।
ইতিমধ্যে প্ৰায় আটাইকেইটা ৰাজনৈতিক দলেই পৌৰ নিগমৰ এই নিৰ্বাচনক লৈ ব্যস্ত হৈ পৰিছে । ৱাৰ্ডে ৱাৰ্ডে, ঘৰে ঘৰে গৈ প্ৰচাৰত নামিছে শাসক-বিৰোধী উভয় পক্ষৰে প্ৰাৰ্থী । আনকি শাসক দলৰ হৈ কেইবাগৰাকীও মন্ত্ৰী-বিধায়কো নামি পৰিছে নিৰ্বাচনী প্ৰচাৰত ।
লগতে পঢ়ক : বাছৰ ভাড়া ৭০ শতাংশ বৃদ্ধিৰ দাবী মটৰ পৰিবহণ সন্থাৰ
