গুৱাহাটী,১৬ ছেপ্টেম্বৰ: শনিবাৰৰ পৰা ২ অক্টোবৰলৈ সমগ্ৰ দেশৰ লগতে অসমতো বিজেপিয়ে পালন কৰিব 'সেৱা পষেক'। প্ৰধানমন্ত্রী নৰেন্দ্ৰ মোডীকে ধৰি মহাত্মা গান্ধীলৈকে কেইবাগৰাকীও ব্যক্তিৰ জন্মদিন সেৱা পষেক হিচাপে পালন কৰা হ'ব । আজি গুৱাহাটীৰ হেঙেৰাবাৰীস্থ ৰাজ্যিক বিজেপিৰ মুখ্য কাৰ্যালয়ত আয়োজন কৰা এখন সংবাদমেলত এই কথা সদৰী কৰে দলৰ ৰাজ্যিক সভাপতি ভৱেশ কলিতাই (BJP President Bhabesh Kalita)।
তেওঁ কয় যে সেৱা পষেকত ৰক্তদান, স্বাস্থ্য শিবিৰ, বৃক্ষৰোপণ আদি বিভিন্ন কাৰ্যসূচী পালন কৰা হ’ব । নৰেন্দ্ৰ মোদীৰ জন্মদিনত কেক নাকাটিবলৈ নাইবা মন্দিৰত নৈবদ্য আগনবঢ়াবলৈ বিজেপি কৰ্মকৰ্তাসকলক আহ্বান জনাই তেওঁ ৰাইজৰ সেৱা কৰিবলৈ কয় (Birthday of Narendra Modi) । তেওঁ বিজেপি কৰ্মকৰ্তাসকলক সেৱামূলক কাৰ্যসূচী ৰূপায়ন কৰিবলৈ আহ্বান জনায় । তেওঁ কয় যে ১৭ ছেপ্টেম্বৰত প্রত্যেকখন জিলাত ৰক্তদান শিবিৰ অনুষ্ঠিত হ’ব ।
সর্বাধিক ৰক্তদান কৰা ১০ খন জিলাক সন্মানিত কৰা হ'ব । ১৮ আৰু ১৯ ছেপ্টেম্বৰত স্বচ্ছতা অভিযান চলোৱা হ'ব । সকলো ৰাজহুৱা স্থান, ব্যক্তিগত স্থানত স্বচ্ছতা অভিযান অনুষ্ঠিত কৰা হ'ব । ২০ আৰু ২১ ছেপ্টেম্বৰত ক'ভিড টীকাকৰণ কেন্দ্ৰ তথা চিকিৎসালয়ত সেৱা কাৰ্যক্ৰম অনুষ্ঠিত কৰা হ'ব ।
এই কার্যসূচী বিজেপি সংখ্যালঘু মৰ্চাৰ উদ্যোগত সকলো জিলাতে অনুষ্ঠিত হ’ব (BJP minority Cell)। ২২, ২৩ আৰু ২৪ ছেপ্টেম্বৰত বিনামূলীয়া স্বাস্থ্য শিবিৰ অনুষ্ঠিত কৰা হ'ব । ১০ খন শ্রেষ্ঠ আয়োজক জিলাক সন্মানিত কৰা হ'ব । আনহাতে ২৫ আৰু ২৬ ছেপ্টেম্বৰত বৃক্ষৰোপণ কাৰ্যসূচী ৰূপায়ন কৰা হ'ব ।
২৫ ছেপ্টেম্বৰত পণ্ডিত দীনদয়াল উপাধ্যায়ৰ জন্মদিৱস উপলক্ষে প্ৰতিটো বুথতে তেওঁৰ প্ৰতিচ্ছবিত শ্রদ্ধাঞ্জলি অৰ্পন কৰা হ'ব (Pandit Dindayal Upadhyay birthday) । আলোকপাত কৰা হ'ব তেওঁৰ ব্যক্তিত্ব আৰু কৰ্মৰাজিৰ ওপৰত । ২৫ আৰু ২৬ ছেপ্টেম্বৰত দুদিনীয়া বৃক্ষৰোপন কাৰ্যসূচী অনুষ্ঠিত কৰা হ'ব । বৃক্ষৰোপণৰ লগতে ৰোপণ কৰা বৃক্ষৰ লালন পালন কৰাৰ দায়িত্বও ল’ব লাগিব । ২৭ আৰু ২৮ ছেপ্টেম্বৰত প্রধানমন্ত্ৰী নৰেন্দ্ৰ মোডীৰ ব্যক্তিত্ব আৰু কৃতিত্বৰ ওপৰত প্ৰদৰ্শনী অনুষ্ঠিত কৰা হ'ব ।
২৯ আৰু ৩০ ছেপ্টেম্বৰত প্রবুদ্ধ ব্যক্তি সন্মিলন প্রতিখন জিলাতে অনুষ্ঠিত কৰা হ'ব । আনহাতে ১ অক্টোবৰত জল সংৰক্ষণ সফল কৰাৰ বাবে অভিযান চলোৱা হ'ব । প্ৰতিখন মণ্ডলত জল সংৰক্ষণৰ বাবে ঘৰে ঘৰে সম্পৰ্ক অভিযান কৰা হ'ব । ২ অক্টোবৰত মহাত্মা গান্ধীৰ জন্মদিৱস উপলক্ষে গান্ধীজীৰ লক্ষ্য, স্বদেশী, খাদী, সাধাৰণ জীৱন যাপন, স্বচ্ছতা আদি প্ৰচাৰৰ হেতু অভিযান চলোৱা হ'ব। স্বদেশী সামগ্ৰী ব্যৱহাৰ কৰাৰ বাবে সজাগতা অভিযান চলোৱা হ'ব । সংবাদমেলত সাংসদ পবিত্ৰ মাৰ্ঘেৰিটা, ৰাজ্যিক সাধাৰণ সম্পাদক দিপ্লু ৰঞ্জন শৰ্মাও উপস্থিত আছিল ।
লগতে পঢ়ক: হঠাতে জয়া কলিতা সন্দৰ্ভত নৰম বিজেপিৰ সভাপতি ভৱেশ কলিতা
