গুৱাহাটী, 8 নৱেম্বৰ : সমগ্ৰ দেশতে অব্যাহত আছে বিদ্যুৎ কৰ্মচাৰী আৰু অভিযন্তাৰ ৰাষ্ট্ৰীয় সমন্বয়ৰক্ষী সমিতিৰ আহ্বানত বিদ্যুৎ সংশোধনী বিধেয়ক-2021 বাতিলৰ দাবীত প্ৰতিবাদ ৷ বুধবাৰে পুৱাৰে পৰা অসমতো এই সংশোধনী বিধেয়ক বাতিলৰ বাবে প্ৰতিবাদী কাৰ্যসূচী ৰূপায়ণ কৰা হয়(protest against tabling of Electricity Amendment Bill) ৷ গুৱাহাটীস্থিত মুখ্য কাৰ্যালয় বিজুলী ভৱনকে ধৰি ৰাজ্যৰ প্ৰতিটো চক্ৰ-সংমণ্ডল আৰু প্ৰকল্প সমূহৰ কাৰ্য্যালয়ৰ সম্মুখত এই বিধেয়ক বাতিল কৰাৰ দাবীত বিক্ষোভ প্ৰৰ্দশন কৰা হয় ।
ইয়াৰোপৰি জনসাধাৰণৰ অসুবিধাৰ কথা লক্ষ্য ৰাখি উক্ত সময়ত বিজুলী যোগান অব্যাহত ৰাখি বাকী সকলো প্ৰশাসনীয় কাৰ্য্যালয় আৰু ৰাজহ সংগ্ৰহ আদিত সম্পূৰ্ণৰূপে স্তব্ধ কৰি দিয়া হয় বিজুলী সেৱা । আনহাতে, এই প্ৰতিবাদকাৰী সকলে কেন্দ্ৰীয় চৰকাৰৰ বৃহৎ পুঁজিপতি গোষ্ঠীৰ স্বাৰ্থত বিদ্যুৎ সংশোধনী বিধেয়ক আইনত পৰিণত কৰি দেশৰ বিদ্যুৎ খণ্ডক সম্পূৰ্ণ ব্যক্তিগতকৰণ কৰিব বিচাৰিছে বুলি অভিযোগ উত্থাপন কৰে ।
লগতে এই ষড়যন্ত্ৰ দীৰ্ঘ দিন ধৰি চলাই আছে যদিও বিদ্যুৎ কৰ্মচাৰী আৰু অভিযন্তা সকলৰ আন্দোলনৰ লগতে ভালে সংখ্যক ৰাজ্য চৰকাৰে বিৰোধীতা কৰাৰ কাৰণে ব্যৰ্থ হৈছে বুলিও উল্লেখ কৰে প্ৰতিবাদকাৰীসকলে । ইতিমধ্যে এই সংশোধনী বিধেয়কখনৰ বিৰোধীতা কৰি প্ৰতিবাদকাৰীসকলে প্ৰধানমন্ত্ৰীলৈ এখন স্মাৰক পত্ৰও প্ৰেৰণ কৰে(Protester sent a memorandum to the Prime Minister) । উল্লেখ্য যে 15 ডিচেম্বৰত দিল্লীৰ সংসদ ভৱন আৰু যন্তৰ-মন্তৰত বিদ্যুৎ কৰ্মচাৰী আৰু অভিযন্তাৰ এক বিশাল গণ সমাৱেশ অনুষ্ঠিত হ'ব ।
লগতে পঢ়ক : General Bipin Rawat passed away : সেনাৰ হেলিকপ্টাৰতেই জীৱন সামৰিলে জেনেৰেল ৰাৱাটে
