গুৱাহাটী, ১৯ জুন: কেইবাটাও নিৰ্বাচনত মিত্রতা কৰিলেও কিন্তু কংগ্ৰেছ আৰু এআইইউডিএফৰ মাজৰ সংঘাত নতুন নহয় । দুয়োটা দলেই পৰস্পৰে পৰস্পৰক প্ৰায়ে আক্ৰমণ কৰা পৰিলক্ষিত হয় । শেহতীয়াকৈ এআইইউডিএফৰ মুৰব্বী তথা সাংসদ বদৰুদ্দিন আজমলে কংগ্ৰেছ দলৰ বিৰুদ্ধে কৰা কেতবোৰ মন্তব্যক লৈ প্ৰতিক্ৰিয়া প্ৰকাশ কৰিছে বিৰোধী দলপতি দেবব্ৰত শইকীয়া(Opposition leader Debabrata Saikia)ই ।
তেওঁ কয় যে, এআইইউডিএফ দল বিজেপিৰ সহযোগী বাবেই বৰ্তমান কিছু দপদপনি দেখুৱাই আছে । বিগত সময়চোৱাত বিভিন্ন প্ৰকাৰে এআইইউডিএফ দলে বিজেপি চৰকাৰক সহায়-সমৰ্থন কৰি আহিছে বুলি উল্লেখ কৰি তেওঁ কয় যে, নিৰ্বাচনৰ সময়ত দেখুৱাবৰ বাবেই বিজেপিৰ বিৰোধিতা কৰে ।
এনেকুৱা দললৈ প্ৰকৃত বিৰোধী যাব নোৱাৰে বুলি সদৰি কৰি তেওঁ কয় যে কংগ্ৰেছ দলে সংবিধানৰ আধাৰত সাধাৰণ জনতাৰ স্বাৰ্থত বিৰোধীৰ ভূমিকা পালন কৰি আহিছে(Debabrata Saikia Comment on BJP and AIUDF) । এআইইউডিএফ আৰু বিজেপিৰ মিলা-প্ৰীতিৰ তথ্য প্ৰমাণেই স্পষ্ট কৰে বুলি তেওঁ কয় ।
লগতে পঢ়ক : টিংপাতৰ কেলেংকাৰী : বিটিআৰত ৩ কোটি ৪৫ লাখ ৯৮ হেজাৰ ৯৬৭ টকা হজম কৰিলে কোনে ?
