গুৱাহাটী, 24 জুলাইঃ বুধবাৰে মহানগৰীৰ নেমকেয়াৰ হাস্পতালত এক সংবাদমেল সম্বোধন কৰি চৰকাৰে চলচ্চিত্ৰ নীতি অনুমোদন জনোৱাৰ বাবে সোণোৱাল চৰকাৰক চলচ্চিত্ৰৰ সমাজ অসমে ধন্যবাদ জনায় । চৰকাৰে অনুমোদন জনোৱা চলচ্চিত্ৰনীতিখন সম্পূৰ্ণৰূপে ৰাজহুৱা কৰা নাই যদিও সকলোৰে বাবে সুবিধাজনক হ'ব বুলি মন্তব্য কৰে নেমকেয়াৰ হাস্পতালৰ পৰিচালন সঞ্চালক হিতেশ বৰুৱাই । এই নীতিয়ে অসমীয়া চলচ্চিত্ৰৰ উন্নয়ন, উত্তৰণ আৰু বিকাশৰ ক্ষেত্ৰত ইতিবাচক প্ৰভাৱ পেলাব বুলিও মন্তব্য কৰে বৰুৱাই ।
ইফালে এই নীতি অনুমোদিত হোৱাৰ পিছত চলচ্চিত্ৰৰ লগত জড়িত সকলোৰে দায়িত্ব অধিক বৃদ্ধি হোৱা বুলি কয় জনপ্ৰিয় অভিনেতা ৰবি শৰ্মাই । তাৰোপৰি ছবিগৃহ নিৰ্মাণৰ ক্ষেত্ৰত চৰকাৰে লোৱা পদক্ষেপক শলাগ লয় চলচ্চিত্ৰ সমাজে। উল্লেখযোগ্য যে এই সংবাদমেলত পৰিচালক ৰাজেশ ভূঞা, অভিনেত্ৰী মৃদুলা বৰুৱা, সংগীত শিল্পী দিগন্ত ভাৰতীৰ লগতে চলচ্চিত্ৰ জগতৰ ভালেসংখ্যক শিল্পী উপস্থিত থাকে ।
লগতে পঢ়কঃ নখান্দা নৈত জাঁপ দিলে যুৱকে
