গুৱাহাটী, ১ ছেপ্তেম্বৰঃ কৃষক নেতা অখিল গগৈৰ মুক্তিৰ দাবীত কৃষক মুক্তি সংগ্ৰাম সমিতিয়ে ১ ছেপ্তেম্বৰৰ পৰা আৰম্ভ কৰিছে এক জন সচেতনতামূলক কাৰ্যসূচী ৷ কাৰ্যসূচীৰ আৰম্ভণি কৰিলে মহানগৰীৰ চানমাৰিস্থিত প্ৰতিমা পাণ্ডে বৰুৱাৰ আৱক্ষ মূৰ্তিৰ সমীপৰ পৰা ৷ সমাগত দিনত এই কাৰ্যসূচীৰ জড়িয়তে সমগ্ৰ ৰাজ্যৰ প্ৰায় ৫০ লাখ পৰিয়ালৰ কাষ চপাৰ সিদ্ধান্ত কৃষক মুক্তি সংগ্ৰাম সমিতিৰ ৷
সোমবাৰৰ প্ৰচাৰ অভিযান কাৰ্যসূচীত অংশ লোৱা কৃষক মুক্তিৰ এগৰাকী জোষ্ঠ নেতা প্ৰাঞ্জল কলিতাৰ মন্তব্য- “NIAৰ একেটা গোচৰতে কৃষক মুক্তিৰ তিনিজনকৈ নেতাক ইতিমধ্যে আদালতে জামিন মঞ্জুৰ কৰিছে ৷ আৰু সম্প্ৰতি তেওঁলোক এতিয়া মুকলি আকাশৰ তলত ৷ কিন্তু চৰকাৰে আক্ৰোশমূলকভাৱে অখিল গগৈক আৱদ্ধ কৰি ৰাখিছে ৷ অখিল গগৈৰ অৱৰ্তমানত চৰকাৰখনে যি মন যায় তাকেই কৰি আছে ৷"
