কামৰূপ, 16 মে' : নতুন স্বাস্থ্যমন্ত্ৰী হিচাপে দায়িত্ব গ্ৰহণ কৰাৰ পিচতে মুখ্যমন্ত্ৰী ড৹ হিমন্ত বিশ্ব শৰ্মাৰ সমষ্টিত উপস্থিত হৈ ক’ভিড হাস্পতাল পৰিদৰ্শন কৰিলে কেশৱ মহন্তই । দেওবাৰে সন্ধিয়া স্বাস্থ্যমন্ত্ৰী গৰাকীয়ে দদৰা শিঙিমাৰী ক’ভিড চিকিৎসালয়ত উপস্থিত হৈ বুজ ল’লে ক’ভিড চিকিৎসালয়খনৰ ।
দদৰাৰ ক’ভিড হাস্পতালত উপস্থিত স্বাস্থ্যমন্ত্ৰী কেশৱ মহন্ত
আই চি ইউ বেড সহ ৯৪ খন বিচনাযুক্ত চিকিৎসালয়খনত পৰিদৰ্শন কৰি মন্ত্ৰীজনে সন্তোষ প্ৰকাশ কৰাৰ লগতে চিকিৎসালয়খনৰ আই চি ইউ ব্যৱস্থাৰ লগতে অক্সিজেনৰ ব্যৱস্থাও থকা বুলি উল্লেখ কৰে ৷ ইয়াৰ উপৰিও অতি কম দিনৰ ভিতৰতে চিকিৎসালয়খনৰ লগত সংলগ্ন কৰি এটা অক্সিজেন প্ৰকল্প নিৰ্মাণ কৰাৰ কথা উল্লেখ কৰে ।
আনহাতে, ক’ভিড সক্ৰমণ ৰোধ কৰাৰ উদ্দেশ্যৰে অতি সোনকালে আন্ত:জিলাৰ লগত যোগাযোগ বন্ধ কৰাৰো ইংগিত দিয়ে স্বাস্থ্যমন্ত্ৰীগৰাকীয়ে।
লগতে পঢ়ক : উত্তৰ গুৱাহাটীত নতুন ক’ভিড নীতি উলংঘা
