গুৱাহাটী, 16 ছেপ্টেম্বৰ: "জয়মালা'ক অসমলৈ ঘূৰাই অনাৰ ক্ষেত্ৰত তামিলনাডু চৰকাৰে অসম চৰকাৰক কোনো ধৰণৰ সহযোগিতা আগনবঢ়োৱাৰ পিছত এইবাৰ এই বিষয়ত হস্তক্ষেপ কৰিছে গুৱাহাটী উচ্চ ন্যায়ালয়ে (Gauhati High Court on Joymala) ৷ জয়মালাকে ধৰি তামিলনাডুৰ মন্দিৰত থকা অসমৰ হাতীসমূহ পৰ্যবেক্ষণৰ বাবে অসমৰ দলটোক সুৰক্ষা আৰু সহযোগ কৰিবলৈ আজি নিৰ্দেশ দিছে গুৱাহাটী উচ্চ ন্যায়ালয়ে ।
অসম চৰকাৰৰ মহাধিবক্তা দেৱজিৎ শইকীয়াই (Debajit Saikia) আজি এক সংবাদমেলত কয় যে জয়মালাক ঘূৰাই বিচাৰি গুৱাহাটী উচ্চ ন্যায়ালয়ত অসম চৰকাৰে এক আৱেদন জনাইছিল (Writ Petition by Assam Government) ৷ তিনিচুকীয়াৰ গিৰিন মৰাণে ২০১১ চনত ৩ বছৰৰ বাবে হাতীটো পঠিয়াইছিল । অসম চৰকাৰৰ হাতত কোনো তথ্য নাছিল ।
পৰৱৰ্তী সময়ত দিল্লীৰ এটা NGO ৰ জৰিয়তেহে হাতীটোৰ ওপৰত অত্যাচাৰ চলাৰ খবৰ পাইছিল অসম চৰকাৰে । ২০২১ চনতে অসম চৰকাৰে তামিলনাডু চৰকাৰলৈ পত্ৰ প্ৰেৰণ কৰিছিল হাতীৰ স্বাস্থ্যৰ বুজ লোৱা আৰু ওভতাই অনা সন্দৰ্ভত ।
২০২১ ৰ ডিচেম্বৰ মাহত তামিলনাডু চৰকাৰে NOC দিছিল হাতী ঘূৰাই আনিব পাৰিব বুলি । ২০২২ ৰ ২৬ এপ্ৰিলত তামিলনাডু চৰকাৰে প্ৰতিশ্ৰুতি দিছিল যে যেতিয়ালৈকে অসমৰ প্ৰতিনিধি দল উপস্থিত নহয় তেতিয়ালৈকে হাতীকেইটা নিজৰ জিম্মাত ৰাখিব বুলি । তাৰ বিনিময়ত অসম চৰকাৰৰ পৰা ধন বিচাৰিছিল তামিলনাডু চৰকাৰে । কিন্তু আজিলৈ একাউণ্ট নম্বৰ নিদিয়াৰ অভিযোগ দেৱজিত শইকীয়াৰ ।
তামিলনাডু চৰকাৰে বেংকৰ একাউণ্ট নম্বৰ নিদিয়াৰ বাবে টকা পঠিয়াব নোৱাৰিলে অসম চৰকাৰে (Tamil Nadu Govrnment) । মহাধিবক্তা গৰাকীয়ে আৰু কয় যে ১ ছেপ্টেম্বৰত চাৰিজনীয়া দল গঠন কৰি চেন্নাইলৈ পঠিওৱা হৈছে । কিন্তু তামিলনাডু চৰকাৰে কোনোধৰণৰ সহযোগ নকৰিলে (Advocate General of Assam) ৷
তেওঁলোকৰ মুখ্য সচিবলৈ পত্ৰ প্ৰেৰণ কৰিও কোনো সঁহাৰি নোপোৱাত অসম চৰকাৰে উচ্চ ন্যায়ালয়ত লেখ আৱেদন দাখিল কৰে ৷ আজি সেই আৱেদনৰ শুনানী সম্পন্ন হয় ।পুনৰ শুনানীৰ তাৰিখ ২৮ ছেপ্টেম্বৰ । এইখন আৱেদন কেৱল জয়মালাৰ বাবে ।
পৰৱৰ্তী সময়ত আন ৮ টা হাতীৰ বাবেও আৱেদন দাখিল কৰিব অসম চৰকাৰে । আনহাতে, উচ্চ ন্যায়ালয়ে আজি কেন্দ্ৰীয় চৰকাৰৰ বন বিভাগৰ লগতে তামিলনাডুৰ ডিজিপি, মুখ্য সচিব আৰু বন বিভাগলৈও জাননী জাৰি কৰে । মহাধিবক্তা গৰাকীয়ে আৰু কয় যে তামিলনাডুত বাহৰ পতা অসমৰ দলটোক সুৰক্ষা আৰু প্ৰয়োজনীয় সকলো তথ্য পাতি দাখিলৰ নিৰ্দেশ দিছে উচ্চ ন্যায়ালয়ে ।
অসমৰ দলটোক তামিলনাডু চৰকাৰক সহযোগ কৰাৰ বাবেও উচ্চ ন্যায়ালয়ে নিৰ্দেশ দিয়ে । তামিলনাডুৰ মন্দিৰত থকা অসমৰ হাতীসমূহ পৰ্যবেক্ষণৰ বাবে অসমৰ দলটোক সুৰক্ষা আৰু সহযোগ কৰিবলৈও নিৰ্দেশ । অসমৰ বিষয়াক সম্পূৰ্ণ নিৰাপত্তাৰ মাজত জয়মলাক চোৱাৰ নিৰ্দেশ দিয়ে উচ্চ ন্যায়ালয়ে ।
অহা 3 দিনৰ ভিতৰত তামিলনাডু চৰকাৰে দিব লাগিব অনুমতি । উত্তৰৰ বাবে ২৮ তাৰিখৰ সময় সীমা নিৰ্ধাৰণ । হাতীকেইটা দেখুৱাবলৈও নিৰ্দেশ জাৰি কৰিছে গুৱাহাটী উচ্চ ন্যায়ালয়ে (Gauhati High Court) । লগতে নিৰাপত্তাৰ ব্যৱস্থা কৰিবলৈও নিৰ্দেশ ।
লগতে পঢ়ক: জয়মালা সন্দৰ্ভত কেন্দ্ৰীয় বন মন্ত্ৰণালয়ৰ টুইট
