কংক্ৰীটৰ মহানগৰীত বৃদ্ধি পাইছে হাড়গিলাৰ সংখ্যা

বংশবৃদ্ধিৰ বাবে উপযুক্ত পৰিৱেশ নথকাৰ পিছতো গুৱাহাটীত বৃদ্ধি পাইছে হাড়গিলাৰ সংখ্যা। বৰ্তমানত মহানগৰীৰ বিভিন্ন অঞ্চলত আছে ২২৬ টাকৈ হাড়গিলা।

গুৱাহাটী,9 অক্টোবৰঃ পৃথিৱীৰ বুকুৰ পৰা ক্ৰমাৎ নিঃশেষ হ'বলৈ ধৰা হাড়গিলাৰ সংখ্যা বৃদ্ধি পাইছে কংক্ৰীটৰ মহানগৰীত । যোৱা ২ অক্টোবৰত মহানগৰীৰ পাঁচটাকৈ অঞ্চলত হাড়গিলা গণনাৰ অন্তত মহানগৰীত হাড়গিলাৰ সংখ্যা বৃদ্ধি পোৱাৰ তথ্য লাভ কৰিছে আৰ্লী বাৰ্ড নামৰ বেচৰকাৰী সন্থাই। ২০১৮ চনৰ গণনা অনুসৰি মহানগৰীৰ বিভিন্ন অঞ্চলত ২২২টা হাড়গিলা থকাৰ বিপৰীতে ২০১৯ চনত মহানগৰীত বৃদ্ধি পাইছে ৪ টাকৈ হাড়গিলা। বৰ্তমান গুৱাহাটীত আছে ২২৬ টা হাড়গিলা। চাওক এক বিশেষ প্ৰতিবেদনঃ