গুৱাহাটী, 15মে’: প্ৰত্যেক দিনাই ৰাজ্যৰ ভিন্ন স্থানৰ যুৱক-যুৱতীয়ে আলফা (স্বা) ত যোগদান কৰাৰ উদ্দেশ্যে ঢাপলি মেলিছে অৰণ্যলৈ (Youths joining Ulfa I) ৷ এই সন্দৰ্ভত দেওবাৰে অসম আৰক্ষীৰ সঞ্চালক প্ৰধান ভাস্কৰজ্যোতি মহন্তই এখন সংবাদমেল আয়োজন কৰি নিজৰ মন্তব্য আগবঢ়ায় (Bhaskar Jyoti Mahanta reacts over youths joining Ulfa I) ৷
উলুবাৰী অসম আৰক্ষীৰ মুখ্য কাৰ্যালয়ত অনুষ্ঠিত এই সংবাদমেলখনত আলফাত নিতৌ নৱপ্ৰজন্মৰ যোগদানৰ সন্দৰ্ভত মন্তব্য কৰি ভাস্কৰজ্যোতি মহন্তই চন্দ্ৰকুমাৰ আগৰৱালা ৰচিত মানৱ বন্দনা কবিতাটোৰ 'আহিছে মানুহ গৈছে মানুহ' শীর্ষক পংক্তিটো আওৰায় ৷
লগতে 20-22 বছৰ ধৰি আলফালৈ যুৱক যুৱতী গৈয়ে আছে সেইটো নতুন কথা নহয় বুলি মন্তব্য কৰে আৰক্ষীৰ সঞ্চালক প্ৰধানগৰাকীয়ে ৷ আনহাতে মন্ত্ৰী সঞ্জয় কৃষাণক আলফাই ভাবুকি দিয়া আৰু 24 ঘণ্টাৰ ভিতৰত ক্ষমা খোজা প্ৰসংগত (Controversy between ULFA I and Sanjay Kisan) কোনো কথা অৱগত নহয় বুলি মন্তব্য কৰে ভাস্কৰজ্যোতি মহন্তই ৷
লগতে পঢ়ক : ৰাজ্যৰ ভিন্ন স্থানৰ যুৱক-যুৱতীয়ে আলফাত যোগদান সন্দৰ্ভত জয়ন্ত মল্ল বৰুৱাৰ মন্তব্য
