গুৱাহাটী, 3 ডিচেম্বৰঃ মহানগৰী গুৱাহাটীত দিনক দিনে বৃদ্ধি পাইছে অপৰাধজনিত ঘটনা ৷ চোৰাং সামগ্ৰীৰ পৰা আৰম্ভ কৰি নিষিদ্ধ ড্ৰাগছলৈ একপ্ৰকাৰ অপৰাধীৰ ৰম্যভূমিলৈ ৰূপান্তৰিত হৈছে মহানগৰী ৷ আৰক্ষীৰে গিজগিজাই থকা মহানগৰীত অপৰাধ ৰোধত চূড়ান্তৰূপে ব্যৰ্থ হৈছে আৰক্ষী প্ৰশাসন ৷
শেহতীয়াকৈ মহানগৰীৰ সমীপৱৰ্তী নাৰেংগীৰ পৰা নিখোজ হৈছে দুটিকৈ কিশোৰ ৷ নাৰেংগীৰ আদৰ্শ জাতীয় বিদ্যালয়ৰ সমীপৰ বাবুবস্তিৰ পৰা নিখোজ হৈছে ধ্ৰুৱ বৰ্মণ আৰু সঞ্জীৱ চাঁও নামৰ কিশোৰ দুটা ৷ শুকুৰবাৰে বিদ্যালয়লৈ বুলি ওলাই যোৱাৰ পিচৰে পৰাই ৰহস্যজনকভাৱে নিখোজ হৈ আছে দুয়োজন কিশোৰ ৷ ঘটনা সন্দৰ্ভত পৰিয়ালৰ লোকে নুনমাটি থানাত এজাহাৰ দাখিল কৰিছে যদিও এতিয়ালৈকে কোনো সম্ভেদ লাভ কৰা নাই আৰক্ষীয়ে ৷ কোনো লোকে কিশোৰ দুটিৰ সম্ভেদ পালে 6901224294 নম্বৰত যোগাযোগ কৰিবলৈ আহ্বান জনাইছে দুৰ্ভগীয়া পৰিয়ালটোৱে ৷
লগতে পঢ়কঃ ভূপাল গেছ দুৰ্ঘটনাৰ 35 টা বছৰঃ প্ৰাপ্য বিচাৰি সংগ্ৰাম ভুক্তভোগীৰ
