বাঘজান যাত্ৰাৰ পূৰ্বে মুখ্যমন্ত্ৰীৰে বৈঠক ধৰ্মেন্দ্ৰ প্ৰধানৰ

শনিবাৰে বিয়লি গুৱাহাটীত আহি উপস্থিত হয় কেন্দ্ৰীয় পেট্ৰ'লিয়াম দপ্তৰৰ মন্ত্ৰী ধৰ্মেন্দ্ৰ প্ৰধান ৷ ইতিমধ্যে মুখ্যমন্ত্ৰী সৰ্বানন্দ সোণোৱালৰ সৈতে এক বৈঠকত মিলিত হয় মন্ত্ৰী ধৰ্মেন্দ্ৰ প্ৰধানে ৷

গুৱাহাটী, ১৩ জুনঃ বাঘজানৰ পৰিস্থিতিৰ বুজ লোৱাৰ উদ্দেশ্যে শনিবাৰে বিয়লি গুৱাহাটীত উপস্থিত হয় কেন্দ্ৰীয় পেট্ৰ'লিয়াম দপ্তৰৰ মন্ত্ৰী ধৰ্মেন্দ্ৰ প্ৰধান ৷ পেট্ৰ'লিয়াম দপ্তৰৰ মন্ত্ৰী ধৰ্মেন্দ্ৰ প্ৰধানৰ আৰু মুখ্যমন্ত্ৰী সৰ্বানন্দ সোণোৱালৰ সৈতে এক বৈঠকত মিলিত হয় । ব্ৰহ্মপুত্ৰ ৰাজ্যিক অতিথিশালাত অনুষ্ঠিত এই বৈঠকত কেন্দ্ৰীয় মন্ত্ৰীগৰাকীয়ে বাঘজানৰ শেহতীয়া অৱস্থাৰ বিষয়ে ৰাজ্য প্ৰশাসনৰ পৰা বুজ লয় । মুখ্য সচিব কুমাৰ সঞ্জয় কৃষ্ণই ইতিমধ্যে ৰাজ্য চৰকাৰৰ ফালৰ পৰা বাঘজানত গ্ৰহণ কৰা পদক্ষেপ সমূহৰ বিষয়ে কেন্দ্ৰীয় মন্ত্ৰীগৰাকীক অৱগত কৰে ।

উল্লেখ্য যে,আজি নিশাটো ব্ৰহ্মপুত্ৰ ৰাজ্যিক অতিথিশালাত কটোৱাৰ পিছত কাইলৈ মুখ্যমন্ত্ৰীৰ সৈতে বাঘজানলৈ ৰাওনা হ'ব মন্ত্ৰী ধৰ্মেন্দ্ৰ প্ৰধান ।

লগতে পঢ়ক- পৰিস্থিতি সাপেক্ষে গুৱাহাটীত পুনৰ হ'ব পাৰে লক​ ডাউনঃ হিমন্ত বিশ্ব শৰ্মা