গুৱাহাটী, 24 ফেব্ৰুৱাৰী : বৃহস্পতিবাৰে মহানগৰীৰ পানীখাইটিস্থিত অসম ডাউন টাউন বিশ্ববিদ্যালয়ত বংগবন্ধু কৰ্ণাৰ হিচাপে এক অনুষ্ঠান অনুষ্ঠিত কৰা হয় ৷ বাংলাদেশৰ বংগ বন্ধু শেখ মজিবুৰ ৰহমান শতবৰ্ষ উপলক্ষে এই অনুষ্ঠান আয়োজন কৰা হয় (Bangabandhu Sheikh Mujibur Rahman centenary observe at ADTU ) ৷
এই অনুষ্ঠানত উপস্থিত থাকে বাংলাদেশ চৰকাৰৰ তথ্য আৰু জনসংযোগ বিভাগৰ মূৰব্বী মন্ত্ৰী ড৹ মহম্মদ হাছান মামুদ (H.E minister Dr Hasan Mahmud of Bangladesh at ADTU) , ডাউন টাউন বিশ্ববিদ্যালয় আচাৰ্য ড৹ এন. এন দত্তৰ লগতে বাংলাদেশ চৰকাৰৰ কেইবাগৰাকীও উচ্চপদস্থ বিষয়া । অনুষ্ঠানৰ আৰম্ভণিতে ডাউন টাউন বিশ্ববিদ্যালয় থকা শেখ মজিবুৰ ৰহমানৰ প্ৰতিচ্ছবিত শ্ৰদ্ধাঞ্জলি জ্ঞাপন কৰে মন্ত্ৰী ড৹ মহম্মদ হাছান মামুদে ৷
ইয়াৰোপৰি ডাউন টাউন বিশ্ববিদ্যালয়ৰ প্ৰেক্ষাগৃহত অনুষ্ঠিত হোৱা এই অনু্ষ্ঠানৰ আৰম্ভণিতে ভাৰত আৰু বাংলাদেশৰ ৰাষ্ট্ৰীয় সংগীত পৰিৱেশন কৰা হয় । উল্লেখ্য যে, অসম ডাউন টাউন বিশ্ববিদ্যালয় বংগবন্ধু কৰ্ণাৰ অনুষ্ঠিত কৰা উত্তৰপূব ভাৰতৰ প্ৰথমখন বিশ্ববিদ্যালয় ।
লগতে পঢ়ক : কংগ্ৰেছ এতিয়া ফুটবলৰ কীপাৰবিহীন গ'লপোষ্ট !
