গুৱাহাটী, 6 নৱেম্বৰঃ অসম অভিযান্ত্ৰিক মহাবিদ্যালয়ৰ খেলপথাৰত অনুষ্ঠিত হোৱা ২১ সংখ্যক উত্তৰ-পূব গ্ৰন্থমেলাৰ বুধবাৰে অন্ত পৰে ৷ গ্ৰন্থমেলাৰ সামৰণিৰ দিনটোত বহুকেইখন গ্ৰন্থ উন্মোচন কৰা হয় ৷ ইয়াৰ ভিতৰত এনী হাজৰিকাৰ স্বপ্নপুৰীৰ মুম্বাই আৰু গৌতম ব্ৰাহ্মণৰ গ্ৰন্থম নামৰ গ্ৰন্থ দুখন অন্যতম ৷
লগতে পঢ়কঃ বিশ্ববিদ্যালয় অনুদান আয়োগৰ 12B status বড়োলেণ্ড বিশ্ববিদ্যালয়লৈ
বিশিষ্টা লেখিকা এনী হাজৰিকাই মুম্বাইৰ সাধাৰণ লোকসকলৰ জীৱনধাৰাক লৈ ৰচনা কৰিছে "স্বপ্নপুৰী মুম্বাই" নামৰ গ্ৰন্থখন ৷ গ্ৰন্থখনত পাঠকে মুম্বাইৰ সাধাৰণ জনতাৰ সংঘৰ্ষৰ লগতে জীৱনৰ এক চমু আভাষ পাবলৈ সক্ষম হ'ব ৷ মুম্বাই বুলি ক'লেই যে,কেৱল বলীউদ এনেকুৱা নহয়,মুম্বাইৰ দৰে অঞ্চলত এচাম মানুহে কিদৰে কষ্টকৰ জীৱন যাপন কৰে গ্ৰন্থখনত তাৰ এক আভাষ দিবলৈ চেষ্টা কৰিছে লেখকে ৷
আনহাতে গ্ৰন্থমেলাৰ মুখ্যমঞ্চত আনখন গ্ৰন্থ উন্মোচন কৰা হয় ৷ গৌতম ব্ৰাহ্মণৰ গ্ৰন্থম নামৰ গ্ৰন্থখনৰ উন্মোচন কাৰ্যসূচীত উপস্থিত থাকে ডঃ লক্ষ্মী নন্দন বৰা, ডঃ দয়ানন্দ পাঠককে ধৰি বহুকেইগৰাকী বিশিষ্ট ব্যক্তি ৷
