গুৱাহাটী, 28 মাৰ্চ : অসমত কিছুদিন পূৰ্বে অনুষ্ঠিত হৈ যোৱা পৌৰসভাৰ নিৰ্বাচনত (Assam Municipal Election) দুটাকৈ ৱাৰ্ডত জয়ী হ'বলৈ সক্ষম হোৱা আম আদমী পাৰ্টী চমুকৈ আপে গুৱাহাটী পৌৰ নিগমৰ নিৰ্বাচনক(GMC election 2022)লৈ বিশেষভাৱে তৎপৰ হৈ পৰিছে ।
গুৱাহাটী পৌৰ নিগমৰ নিৰ্বাচনৰ বাবে দেওবাৰে প্ৰথমখন প্ৰাৰ্থী তালিকা প্ৰকাশ কৰাৰ পিছত সোমবাৰে দ্বিতীয়খন প্ৰাৰ্থীৰ তালিকা ঘোষণা কৰিছে আম আদমী পাৰ্টীয়ে (AAP announced 2nd candidate list for GMC election)। গুৱাহাটীৰ ৰাজ্যিক কাৰ্যালয়ত অনুষ্ঠিত হোৱা এক সংবাদমেলত 15 টা ৱাৰ্ডৰ প্ৰাৰ্থীৰ নাম ঘোষণা কৰে ।
এই দ্বিতীয়খন তালিকা মতে, 5 নং ৱাৰ্ডত ৰাজেশ মেধি, 10 নং ৱাৰ্ডত ভৱিতা দাস, 24 নং ৱাৰ্ডত বেদান্ত ৰাভা, 25 নং ৱাৰ্ডত কৃষ্ণ সিংহ, 28 নং ৱাৰ্ডত মায়া সিংহ, 30 নং ৱাৰ্ডত গীতা ছেত্ৰী, 36 নং ৱাৰ্ডত কল্পনা ভট্টাচাৰ্য্য, 40 নং ৱাৰ্ডত পলাক্ষী দাস, 41 নং ৱাৰ্ডত নাৰ্জীনা বেগম, 48 নং ৱাৰ্ডত চুৰেহা বেগম, 50 নং ৱাৰ্ডত প্ৰবীণ চন্দ্ৰ শৰ্মা, 55 নং ৱাৰ্ডত ৰাজীৱ পাছোৱান, 56 নং ৱাৰ্ডত জয়শ্ৰী তিৱাৰী, 57 নং ৱাৰ্ডত মীৰা বেগম, 58 নং আৰ্জিনা বেগম ।
এদিন পূৰ্বে প্ৰথম প্ৰাৰ্থী তালিকাখন প্ৰকাশ কৰিছিল দলটোৱে । প্ৰথম প্ৰাৰ্থী তালিকাত 10 টা ৱাৰ্ডৰ বাবে প্ৰাৰ্থী নাম ঘোষণা কৰিছিল । উল্লেখ্য যে, গুৱাহাটী পৌৰ নিগমৰ মুঠ 60 টা ৱাৰ্ডৰ বাবে নিৰ্বাচন অনুষ্ঠিত হ’ব 19 এপ্ৰিলত ।
লগতে পঢ়ক : পৌৰ নিগমৰ নিৰ্বাচনৰ বাবে আপৰ প্ৰথমখন প্ৰাৰ্থী তালিকা প্ৰকাশ
