গুৱাহাটী ৰে'ল ষ্টেচনত ওলাল আমেৰিকান ডলাৰঃ কিয় আৰু কেনেকৈ?

নিউ জলপাইগুৰিৰ পৰা মণিপুৰলৈ নিয়াৰ পথতে শতাব্দী এক্সপ্ৰেছৰ পৰা আটক 5 লাখ আমেৰিকান ডলাৰসহ দুই মণিপুৰী যুৱক ৷ বিদেশী মুদ্ৰাখিনিৰ ভাৰতীয় মূল্য হ'ব প্ৰায় তিনি কোটি টকা ৷

গুৱাহাটী, 22 মাৰ্চ : গুৱাহাটী ৰে'ল ষ্টেচনৰ পৰা জব্দ আমেৰিকাৰ মুদ্ৰাসহ দুজনকৈ মণিপুৰৰ যুৱক ৷ নিউ জলপাইগুৰিৰপৰা মণিপুৰলৈ নিয়াৰ পথতে শতাব্দী এক্সপ্ৰেছত তালাচী চলাই ৰে'ল আৰক্ষীয়ে জব্দ কৰে বৃহৎ পৰিমাণৰ বিদেশী মুদ্ৰাখিনি ৷

টি পিয়াং আৰু গালিয়ামুং নামৰ দুগৰাকী মণিপুৰী যুৱকৰ পৰা উদ্ধাৰ কৰাএই বিদেশী মুদ্ৰাখিনিৰ ভাৰতীয় মূল্য হ'ব প্ৰায় তিনি কোটি টকা ৷ ইপিনে জব্দ হোৱা মুদ্ৰাখিনি আচল নে নকল জানিব পৰা হোৱা নাই যদিও ৰে'ল আৰক্ষীয়ে যুৱক দুজনক আটক কৰি অব্যাহত ৰাখিছে জেৰা ৷