ব্ৰাক্ষ্মণ সমাজৰ বাধা নেওচি শদিয়াৰ পৰা ধুবুৰীলৈ কাঞ্চনজংঘাৰ ব্য়াপক প্ৰচাৰ

৬ চেপ্তেম্বৰত মুক্তি পাব লগা ছবিখনৰ প্ৰচাৰৰ বাবে বাবে তিনিচুকীয়া,ডিব্ৰুগড়ৰ পাছত দেওবাৰে মৰাণ মহিলা মহাবিদ্যালয়ত উপস্থিত হৈ মহাবিদ্যালখনৰ ছাত্ৰ-ছাত্ৰীৰ লগতে অনুৰাগী তথা স্থানীয় ৰাইজক ছবিখন চাবলৈ অনুৰোধ কৰে জুবিন গাৰ্গে

ডিব্ৰুগড়, 18 আগষ্টঃ মৰাণত 'কাঞ্চনজংঘা' ছবিৰ প্ৰচাৰ চলালে ছবিখনৰ প্ৰযোজক,পৰিচালক তথা নায়ক জুৱিন গাৰ্গে । আগন্তুক ৬ চেপ্তেম্বৰত মুক্তি পাব লগা ছবিখনৰ প্ৰচাৰত তিনিচুকীয়া,ডিব্ৰুগড়ৰ পাছত দেওবাৰে মৰাণ মহিলা মহাবিদ্যালয়ত উপস্থিত হৈ মহাবিদ্যালখনৰ ছাত্ৰ-ছাত্ৰীৰ লগতে অনুৰাগী তথা স্থানীয় ৰাইজক ছবিখন চাবলৈ অনুৰোধ কৰে ৷ প্ৰচাৰত জুবিনে 'কাঞ্চনজংঘা'ত তেখেতৰ পোহনীয়া কুকুৰটোৰ অভিনয় চাই দৰ্শকে ভাল পাৱ বুলি মন্তব্য কৰে ৷

আনহাতে, " যিকোনো মূল্যৰ বিনিময়ত "কাঞ্চনজংঘা" ছবিৰ পৰা বাদ দিব লাগিব বিতৰ্কিত লগুন চিঙা দৃশ্য ৷ দৃশ্য উঠাই নিদিয়া পৰ্যন্ত জুবিনৰ বিৰুদ্ধে তৰা গোচৰ উঠাই নলয় বাইহাটা চাৰিআলিৰ ব্ৰাহ্মণ সমাজে ৷ জুবিনক ক্ষমা কৰি দিবৰ বাবে ব্ৰাহ্মণ সমাজলৈ শিল্পীগৰাকীয়ে লিখিত পত্ৰ প্ৰেৰণ কৰে যদিও পত্ৰখন বৰ্তমান পৰ্যন্ত বাইহাটা চাৰিআলিৰ ব্ৰাহ্মণ সমাজৰ হাতত পৰা নাই বুলি জানিবলৈ দিয়ে বাইহাটা চাৰিআলি ব্ৰাক্ষ্মণ সমাজে ।