টিংখাং, 23 মাৰ্চ: টিংখাঙৰ বিধায়ক তথা মিত্ৰজোঁটৰ প্ৰাৰ্থী বিমল বৰাৰ বাসগৃহত দৈনিক বহুলোকে যোগদান কৰিছে বিজেপি দলত ৷ ভাৰতীয় জনতা পাৰ্টি দলৰ নীতি-আদৰ্শৰ প্ৰতি আকৃষ্ট হৈ টিংখাঙৰ বিজেপি মিত্ৰজোঁটৰ প্ৰাৰ্থী বিমল বৰাৰ বাসগৃহত সমষ্টিটোৰ সোমবাৰ নিশা পিঠাগুতি পঞ্চায়ত, ধমন পঞ্চায়ত, নাচনী পঞ্চায়ত আৰু টিংখাং পঞ্চায়তৰ বহুলোকে ভাৰতীয় জনতা পাৰ্টীত যোগদান কৰে ৷
বিজেপি দলৰ প্ৰাৰ্থী বিমল বৰাই নিজ বাসগৃহত দলীয় গামোচা আৰু টুপি পিন্ধাই যোগদান কৰা কৰ্মী সকলক দললৈ স্বাগতম জনায় । বিধানসভাৰ প্ৰথম পৰ্যায়ৰ নিৰ্বাচনৰ দিন চমু চাপি অহাৰ লগে লগে টিংখাঙত বিজেপিৰ ভেঁটি পূৰ্বতকৈও অধিক শক্তিশালী হৈ অহা পৰিলক্ষিত হৈছে । যোগদান কাৰ্যসূচীত ভাৰতীয় জনতা পাৰ্টীৰ সমষ্টিটোৰ জ্যেষ্ঠ দলীয় কৰ্মকতা উপস্থিত থাকে ।
লগতে পঢ়কঃ নাহৰকটীয়াত মন্ত্ৰী হিমন্ত বিশ্ব শৰ্মাৰ নিৰ্বাচনী প্ৰচাৰ
