ডিব্ৰুগড় , 13 নৱেম্বৰ : উজনি অসমৰ উচ্চ শিক্ষাৰ অন্যতম প্ৰাণকেন্দ্ৰ ডিব্ৰুগড় নন্দলাল বৰগোহাঁই চিটি মহাবিদ্যালয়ত অনুষ্ঠিত হয় অসম কলেজ শিক্ষক সন্থাৰ ডিব্ৰুগড় মণ্ডলৰ চতুৰ্দশ বাৰ্ষিক অধিৱেশন । শুকুৰবাৰে ৰাতিপুৱা স্মৃতি তৰ্পন কাৰ্যসূচীৰে শুভাৰম্ভ হোৱা এই অনুষ্ঠানটোত ডিব্ৰুগড় জিলাৰ 12 খনকৈ মহাবিদ্যালয়ৰ শিক্ষক গোটৰ সভাপতিবৃন্দ উপস্থিত থাকে ৷ স্মৃতি তৰ্পন কাৰ্যসূচীৰ পাচতে উপস্থিত থকা 12 খন মহাবিদ্যালয়ৰ শিক্ষক গোটৰ সভাপতিয়ে উত্তোলন কৰে অসম কলেজ শিক্ষক সন্থাৰ পতাকা ।
অসম কলেজ শিক্ষক সন্থাৰ ডিব্ৰুগড় মণ্ডলৰ সভাপতি ড৹ অনুপজ্যাতি ভৰালীৰ সভাপতিত্বত অনুষ্ঠিতত হোৱা এই প্ৰতিনিধি সভাত বছৰেকীয়া প্ৰতিবেদন পাঠ কৰে সন্থাৰ ডিব্ৰুগড় মণ্ডলৰ সম্পাদক ড৹ অচেনি মাৰ্চে। এই সভাতেই পুৰণি পেঞ্চন নীতি বাহাল ৰাখি কেন্দ্ৰীয় চৰকাৰে প্ৰণয়ন কৰা নতুন পেঞ্চন নীতি চমুকৈ 'এন পি এছ' বাতিল কৰিবলৈ দাবী জনাই সভাত এক প্ৰস্তাৱ গ্ৰহণ কৰা হয় ।
তদুপৰি উক্ত সভাত মহাবিদ্যালয়ৰ শিক্ষক-শিক্ষয়িত্ৰী, ছাত্ৰ-ছাত্ৰী সকলৰ বহু গুৰুত্বপূৰ্ণ সমস্যা সমুহক লৈ বিস্তৃতভাৱে আলোচনা কৰা হয় । উল্লেখ্য যে, এই সভাত অসম কলেজ শিক্ষক সন্থাৰ কেন্দ্ৰীয় সম্পাদক হিমাংশু মৰল, কেন্দ্ৰীয় কাৰ্যনিৰ্বাহক সদস্য পূৰন্দ গোহাঁইকে আদি কৰি কেইবাজনো বিশিষ্ট ব্যক্তি উপস্থিত থাকে ।
লগতে পঢ়ক : Nil-Abhi Murder : চূড়ান্ত ৰায়ৰ দিশে নীল-অভি হত্যাকাণ্ডৰ বিচাৰ প্ৰক্ৰিয়া
