মৰাণ,8 মে’ : বৰ্তমান পৰিস্থিতিত ক'ভিড- ১৯ ৰ সংক্ৰমণ বৃদ্ধি পোৱাৰ পৰিপ্ৰেক্ষিতত আৰু ইয়াৰ সংক্ৰমণ প্ৰতিৰোধৰ বাবে ডিব্ৰুগড় জিলা উপায়ুক্তৰ নিৰ্দেশ অনুসৰি শনিবাৰে টেঙাখাত আৰু মৰাণ ৰাজহ চক্ৰ বিষয়াৰ উদ্যোগত নিৰ্দিষ্ট ৰাজহ চক্ৰৰ দুটাৰ অন্তৰ্গত চাহ বাগিচা সমূহৰ কৰ্তৃপক্ষৰ লগত বৈঠক অনুষ্ঠিত হয় ।
বৈঠকত চক্ৰ বিষয়া সকলক বাগিচাৰ কৰ্তৃপক্ষক বাগিচা সমূহত কৰ্মচাৰী সকলে মাস্ক পৰিধান কৰা, সামাজিক দূৰত্ব পালন কৰা, বাগিচাৰ এলেকা সমূহ ছেনিটাইজ কৰাৰ লগত স্বাস্থ্য বিভাগ আৰু প্ৰশাসনে জাৰি কৰা ক'ভিড-১৯ প্রট'কল সমূহ কঠোৰ ভাবে পালন কৰি যাবলৈ নিৰ্দেশ প্রদান কৰে । ইয়াৰ উপৰিও বাগিচাৰ কৰ্মচাৰী সকলক স্বাস্থ্য বিভাগৰ দ্বাৰা প্ৰদান কৰি থকা ক'ভিড-১৯ ৰ ভেকচিন যাতে প্রদান কৰা হয় তাৰ ওপৰত গুৰুত্ব প্ৰদান কৰাৰ লগতে তেওঁলোকৰ মাজত সজাগতা বৃদ্ধি কৰিবলৈ কয় জিলা প্ৰশাসনে ।
লগতে পঢ়কঃ দেওবাৰে ঘোষণা হ’ব অসমৰ মুখ্যমন্ত্ৰীৰ নাম
