মৰাণ, 25 জানুৱাৰী : মঙলবাৰে 72 সংখ্যক গণৰাজ্য দিৱস ৷ ইতিমধ্যে সমগ্ৰ দেশৰ লগতে ৰাজ্যতো গণৰাজ্য দিৱস উদযাপনৰ প্ৰস্তুতি সম্পূৰ্ণ কৰি তোলা হৈছে ৷ ইফালে গণৰাজ্য দিৱসত যাতে কোনো বিক্ষিপ্ত ঘটনা সংঘটিত নহয়, তাৰ বাবে দিনে নিশাই পহৰাত ব্যস্ত হৈ পৰিছে আৰক্ষী প্ৰশাসন ৷
সমান্তৰালকৈ ডিব্ৰুগড় জিলাতো দেখা পোৱা গ'ল একেই দৃশ্য ৷ পুৱাৰে পৰা জিলা খনৰ বিভিন্ন প্ৰান্তত আৰক্ষী প্ৰশাসনে কটকটীয়া নিৰাপত্তা বেষ্টনী গঢ়ি তোলা দেখা যায় । ৰাজ্যত শান্তি শৃংখলা বজাই ৰাখি যাতে গণৰাজ্য দিৱস পালন কৰিব পাৰি, তাৰ ওপৰত তীক্ষ্ণ নজৰ ৰাখিছে ডিব্ৰুগড় আৰক্ষী প্ৰশাসনে ।
ইফালে দুষ্কৃতিকাৰীয়ে যাতে কোনো ধৰণৰ কুটাঘাটৰ সৃষ্টি কৰিব নোৱাৰে তাৰবাবে মুখ্যমন্ত্ৰীৰ গৃহ জিলা ডিব্ৰুগড় চহৰৰ বিভিন্ন প্ৰান্তত আৰক্ষী প্ৰশাসনৰ তৰফৰ পৰা প্ৰত্যেকখন বাহন তন্ন-তন্নকৈ তালাচি চলোৱাৰ উপৰিও প্ৰত্যেক জন ব্যক্তিয়ে লগত অনা বেগ, গাড়ীৰ নথি-পত্ৰ সমূহ পৰীক্ষা কৰিছে।
লগতে পঢ়ক-ডিব্রুগড় বিশ্ববিদ্যালয়ৰ উপাচার্যৰ বিৰুদ্ধে শিক্ষক সমাজৰ প্ৰতিবাদ
