মৰাণ,8 ডিচেম্বৰঃ ডিব্ৰুগড় জিলাৰ লেপেটকটাত ২৬ নৱেম্বৰৰ পুৱতি নিশা ভয়াবহ পথ দুৰ্ঘটনাত প্ৰাণ হেৰুৱাইছিল ৬ জন লোকে ৷ উক্ত পথ দুৰ্ঘটনাত মৃত্য়ু হোৱা লোকসকলৰ পৰিয়াললৈ ২ লাখকৈ সাহাৰ্য প্ৰদান কৰিব অসম চৰকাৰে । এই কথা পৰিয়ালক সদৰি কৰে মৰাণ সমষ্টিৰ বিধায়ক চক্ৰধৰ গগৈয়ে।
উল্লেখ্য যে, ধেমাজি চিচি বৰগাঁৱৰ ধুনাগুৰি কলিতা গাঁৱৰ পৰা লেপেটকটা ভগামুৰলৈ কইনা লৈ আহি থকা বৰযাত্ৰীৰ এখন বলেৰ' বাহন দুৰ্ঘটনাত পতিত হয় ৷ ফলত নিহত হয় দৰাৰ দদায়েকসহ ৬ জনকৈ বৰযাত্ৰী। ইফালে ৬ ডিচেম্বৰত কুটুহা ভগামুৰ গাঁৱত নিহত ৬ জন লোকৰ একেলগে ৰাজহুৱা শ্ৰদ্ধাঞ্জলি জনোৱা হয় । উক্ত শ্ৰদ্ধাঞ্জলি অনুষ্ঠানত উপস্থিত থাকে বিধায়ক চক্ৰধৰ গগৈ ৷ লগতে অসম চৰকাৰৰ হৈ পথ দুৰ্ঘটনাত নিহত হোৱা লোককেইজনৰ পৰিয়ালক ২ লাখকৈ সাহাৰ্য দিয়াৰ প্ৰতিশ্ৰুতি দিয়ে বিধায়ক চক্ৰধৰ গগৈয়ে।
লগতে পঢ়ক- বাক্সাৰ আঠিয়াবাৰীত বিপিএফ নেতাক আক্ৰমণ অজ্ঞাত লোকৰ
