ধুবুৰী, ১৪ এপ্ৰিলঃ ৰাজ্যৰ প্ৰতিটো প্ৰান্তত ৰঙালী উচাহ আনন্দ । ৰাজ্যৰ ভিন্ন প্ৰান্তৰ লগতে ধুবুৰীতো আজি গৰু বিহুৰ দিনা উখল মাখল পৰিৱেশ । ৰঙালী বিহু আদৰাৰ বাবে ধুবুৰী কেন্দ্ৰীয় ৰঙালী বিহু উদযাপন সমিতিয়ে আয়োজন কৰিছে তিনিদিনীয়া কাৰ্যসূচীৰ এটি অনুষ্ঠান । বিশাল সাংস্কৃতিক শোভাযাত্ৰাৰে মুকলি কৰা হয় ধুবুৰীৰ ৰজা প্ৰভাত চন্দ্ৰ বৰুৱা খেল পথাৰত আয়োজিত উক্ত অনুষ্ঠানটি ।
ধুবুৰীত ৰঙালী বিহুৰ আয়োজন
নানান সাংস্কৃতিক অনুষ্ঠানৰ লগতে অনুষ্ঠানটিত বিভিন্ন প্ৰতিযোগিতাৰো আয়োজন কৰা হৈছে । উক্ত অনুষ্ঠানত শনিবাৰে অংশগ্ৰহণ কৰে ধুবুৰী জিলাৰ উপ-আৰক্ষী অধীক্ষক ত্ৰিনয়ন ভূঞাৰ লগতে অঞ্চলটোৰ কেইবাগৰাকীও বিশিষ্ট ব্যক্তিয়ে ।
