ধুবুৰী, 21 মাৰ্চ: সাধাৰণ ৰাইজৰ মাজত ক্ৰমাৎ বৃদ্ধি পাইছে কৰ'ণা ভাইৰাছৰ আতংক । এনে সময়তে ধুবুৰী আৰক্ষীৰ সহযোগত ধুবুৰীৰ আস্থা গোটৰ ফালৰ পৰা সভাপতি বিশ্বজিৎ দাস আৰু সম্পাদিকা দেৱলীন ভট্টাচাৰ্যৰ নেতৃত্বত এক ব্যতিক্ৰমী কাৰ্যসূচীৰে ৰাইজৰ মাজত সজাগতা সৃষ্টিৰ প্ৰয়াস ।
কৰ’ণা ভাইৰাছৰ লক্ষণ আৰু আক্ৰান্ত হ’লে ৰাইজে ভয় নকৰি চিকিৎসকৰ পৰামৰ্শ গ্ৰহণৰ শ্ল’গানেৰে বাটৰ নাট প্ৰদৰ্শন কৰি ৰাইজৰ মাজত সজাগতা অনাৰ প্ৰয়াস কৰে আস্থা গোটৰ কৰ্মকৰ্তা সকলে ।
কৰ'ণা ভাইৰাছক লৈ আস্থাৰ ব্যতিক্ৰমী সজাগতা সভা
ইপিনে বাটৰ নাটৰ পিছতেই ৰাজপথত পথচাৰী ৰাইজৰ মাজত প্ৰচাৰ পত্ৰিকা বিতৰণ কৰে আস্থা গোটৰ সদস্য সদস্যা সকলে । উল্লেখযোগ্য যে, আস্থা গোটৰ এনে পদক্ষেপক শলাগ লৈছে সকলোৱে ।
