নিউজ ডেস্ক, 31 জানুৱাৰীঃ দেশৰ অৰ্থনৈতিক বিকাশ চলিত বিত্তীয় বৰ্ষৰ 5 শতাংশৰ তুলনাত আগন্তুক 2020-21 বিত্তীয় বৰ্ষত 6ৰ পৰা 6.5 শতাংশলৈ বৃদ্ধি পাব বুলি ধাৰণা কৰা হৈছে ৷ বিত্তমন্ত্ৰী নিৰ্মলা সীতাৰমণে আজি সদনত উত্থাপন কৰা অৰ্থনৈতিক জৰীপত কোৱা হৈছে এই কথা ৷
সদনত উত্থাপন কৰা অৰ্থনৈতিক জৰীপ 2019-20ত কোৱা হৈছে যে, নিৰ্মাণৰ গতিবিধি আৰু বিশ্বযুৰি ব্যৱসায়ত চলি থকা মন্দাৱস্থা অন্ত পৰাৰ সংকেটৰ বাবে আগন্তুক বিত্তীয় বৰ্ষত বিকাশৰ ধাৰাত সকাৰাত্মক প্ৰভাৱ পৰিব ৷ গৃহ-ক্ৰয়ত চৰকাৰে প্ৰদান কৰা গুৰুত্ব, মেক ইন ইণ্ডিয়া, কৰ্পৰেট কৰৰ হাৰ হ্ৰাস, ব্যৱসায়ত শুধৰনিয়ে অন্যান্য কাৰকসমূহৰ লগতে আৰ্থিক বিকাশত সহায় কৰিব ৷ অৱশ্যে ব্যৱসায়ৰ ক্ষেত্ৰত বিশ্বব্যাপী সমস্যাৰ অন্ত পৰা নাই, আমেৰিকা-ইৰানৰ মাজৰ অৱস্থা আৰু উন্নত অৰ্থনীতিৰ কম পৰিমানৰ আৰ্থিক বিকাশকে ধৰি অন্যান্য দিশসমূহে নকাৰাত্মক প্ৰভাৱ পেলাব পাৰে ৷ শুদ্ধ মূল্যাংকনত এইটো দেখা যায় যে, চৰকাৰে এক মজবুত জনাদেশৰ সৈতে বিকাশৰ হাৰত উন্নতি কৰাৰ ক্ষমতা ৰাখিছে ৷ দেশৰ অৰ্থব্যৱস্থাত জিডিপিৰ বিকাশৰ হাৰ বিগত বিত্তীয় বৰ্ষৰ তুলনাত 2020-21 বিত্তীয় বৰ্ষত অধিক হোৱাৰ আশা প্ৰকাশ কৰা হৈছে ৷ শুদ্ধ মূল্যাংকনত দেশৰ জিডিপি 2020-21 বিত্তীয় বৰ্ষত 6ৰ পৰা 6.5 শতাংশলৈ বৃদ্ধি হোৱাটো পৰিলক্ষিত হৈছে ৷ 2019-20ৰ 5 শতাংশ জিডিপিয়ে দেশৰ জিডিপি বৃদ্ধিকে প্ৰতিফলিত কৰিছে ৷ জৰীপত জিডিপিৰ বৃদ্ধিলৈ লক্ষ্য কৰি দেশৰ বিকাশৰ ওপৰত গুৰুত্ব প্ৰদান কৰিব পাৰি ৷ বিত্তীয় খণ্ডই দেশৰ ৰিয়েল খণ্ডসমূহৰ ওপৰত ঔষধৰ দৰে কাম কৰিব ৷
জৰীপত কোৱা হৈছে যে, 2019-20 বিত্তীয় বৰ্ষৰ দ্বিতীয়াৰ্ধত হোৱা বৃদ্ধি 10টাকৈ দিশ, নিফটী ইণ্ডিয়া সেৱন সূচকাংক বৃদ্ধি, এক উৎসাহিত দ্বিতীয়ক বজাৰ, বৈদেশিক বিনিয়োগ বৃদ্ধি, চাহিদা হেঁচা নিয়ন্ত্ৰণ, গ্ৰামাঞ্চল সেৱাৰ সাকাৰাত্মক বৃদ্ধি, উদ্যোগিক গতিবিধিৰ বৃদ্ধি, নিৰ্মাণখণ্ডত তীব্ৰ বিকাশ, সামগ্ৰীৰ ৰপ্তানি বৃদ্ধি, বৈদেশিক মূল্যৰ বিনিয়োগত বৃদ্ধি আৰু জিএছটি ৰাজহ বৃদ্ধিৰ হাৰ অন্যতম ৷
জৰীপত, ৰাজহুৱা খণ্ডৰ বেংকসমূহৰ একত্ৰীকৰণে বিত্তীয় শক্তি বৃদ্ধিৰ লগতে ৰিস্কৰ হ্ৰাস আৰু ঋণৰ হাৰ হ্ৰাস হোৱাত সহায়ক হ'ব বুলি কোৱা হৈছে ৷ লগতে, জিএছটি কাৰ্যকৰী কৰাৰ পিচৰে পৰাই ঘৰুৱা বজাৰসমূহৰ একত্ৰীকৰণত সহায়ক হৈছে আৰু ব্যৱসায়িক খৰচ কম হোৱাৰ লগতে বিশুদ্ধ বিনিয়োগ বৃদ্ধি হোৱা বুলিও কোৱা হৈছে ৷ মাটি আৰু শ্ৰমৰ বজাৰত হোৱা সংশোধনেও ব্যৱসায়িক খৰচ কমaৱাত অধিক সহায় কৰিছে বুলি শুকুৰবাৰে সদনত উত্থাপন কৰা অৰ্থনৈতিক জৰীপত কোৱা হৈছে ৷
