নিউজ ডেস্ক, ২৩ এপ্ৰিলঃ বিশ্বখ্যাত ছ'চিয়েল মিডিয়া কোম্পানী ফেচবুকে শেহতীয়াকৈ ভাৰতৰ ডিজিটেল মাৰ্কেটত নিজৰ উপস্থিতি বিস্তৃত কৰিবলৈ ৰিলায়েঞ্চ জিঅ'ৰ সৈতে এক বৃহৎ চু্ক্তি স্বাক্ষৰ কৰিছে । জিঅ'ত প্ৰায় ৪৩,৫৭৪ কোটি টকাৰ বিনিয়োগ কৰিছে ফেচবুকে । বুধবাৰে এই বিনিয়োগৰ পাচতেই উদ্যোগী নেতা সকলে ইয়াৰ প্ৰশংসা কৰে । অৱশ্যে কিছু কিছুয়ে ইণ্টাৰনেটৰ গোপনীয়তা সন্দৰ্ভতো চিন্তা ব্যক্ত কৰিছে ।
মহিন্দ্ৰা গ্ৰুপৰ সঞ্চালক আনন্দ মহিন্দ্ৰাই কয়,এই বিনিয়োগে কৰ'ণা ভাইৰাছৰ সময়ত ভাৰতৰ অৰ্থনৈতিক দিশটোৰ প্ৰতি শক্তিশালী ভূমিকা পালন কৰি পৰৱৰ্তী পৰিকল্পনাৰ বাবে সহায়ক হ'ব ।
ফেচবুকে ৰিলায়েন্স জিঅ’ত ৫.৭ বিলিয়ন অৰ্থাৎ ৪৩,৫৭৪ কোটি টকাৰ বিনিয়োগ কৰিছে । ফেচবুকে ৰিলায়েন্স জিঅ’ৰ ৯.৯৯% অংশীদাৰিত্ব ৪৩,৫৭৪ কোটি টকাত ক্ৰয় কৰিছে। এই চুক্তিৰে ফেচবুক এতিয়া ৰিলায়েন্স জিঅ’ৰ সৰ্ববৃহৎ অংশীদাৰ হিচাপে পৰিগণিত হৈছে ।
জিঅ',ৰিলায়েঞ্চ ৰিটেইল আৰু হোৱাটছএপেও ৰিলায়েঞ্চ ৰিটেইলৰ বাণিজ্য ব্যৱসায়ক দ্ৰুত গতিত আগবঢ়াবলৈ বাণিজ্য অংশীদাৰিত্ব চুক্তিত স্বাক্ষৰিত কৰি জিঅ'মাৰ্ট প্লেটমৰ্ফত হোৱাটছএপৰ ব্যৱহাৰ কৰিছে । উল্লেখ্য যে,জিঅ'মাৰ্ট ব্যৱসায় মডেলটোক পেটিএমৰ সৈতে ফেৰ মাৰিবলৈ তৈয়াৰ কৰা হৈছে ।
পেটিএমৰ প্ৰতিষ্ঠাপক আৰু CEO বিজয় শ্বেখৰ শৰ্মায়ো বহু কেইটা স্তৰত এইটা এটা অসাধাৰণ,#GODStatus." বুলি উল্লেখ কৰে । আনহাতে UPI ভিত্তিক লেন-দেনৰ সুবিধাৰ্থে হোৱাটছএপো ডিজিটেল লেন-দেনৰ বাবে অনুজ্ঞা পত্ৰৰ আবেদন কৰিছে । বৰ্তমান বৈদ্যুতিক আৰু তথ্য প্ৰযুক্তি মন্ত্ৰণালয়ৰ কিছু চিহ্নিত সুৰক্ষাৰ বাবেই অনুমতি প্ৰদান কৰা হোৱা নাই ।
ফেচবুক আৰু জিঅ'ৰ চুক্তিক সাম্প্ৰতিক সময়ত এক সকাহ বুলি উল্লেখ কৰিছে প্ৰাক্তন তথ্য় প্ৰযুক্তি আৰু টেলিযোগাযোগ মন্ত্ৰী মিলিন্দ দেওৰাই ।
ইয়াৰ উপৰিও চেভ দ্য ইণ্টাৰনেন্টৰ সহ-প্ৰতিষ্ঠাতা নিখিল পাহৱাও এই চুক্তি সম্পৰ্কে জনগণক সতৰ্ক থাকিবলৈ আৱশ্যকতা আছে বুলি উল্লেখ কৰে । ২০১৫ ৰ তুলনাত জিঅ' এতিয়া বহু শক্তিশালী । বৰ্তমান ফেচবুকৰ দৰে । গোপনীয়তা,এনক্ৰিপশ্যন ইত্যাদি বিষয়ত চৰকাৰ সৰ্বসাধাৰণৰ মন্তব্য়ৰ বাবে এতিয়াও মুক্ত নহয় । নাগৰিক সমাজ এতিয়া বহু দুৰ্বল ২০১৫ৰ তুলনাত । আমি সতৰ্ক হৈ চোৱাৰ দৰকাৰ বুলি কয় পাহৱাই ।
