কৰিমগঞ্জ,৪মে' : অন্ধ বিশ্বাসৰ কৱলত কৰিমগঞ্জৰ এখন গাঁও । শুকুৰবাৰে নিশা কৰিমগঞ্জৰ খাগাইল গাঁৱত অন্ধবিশ্বাসৰ ফলত কবৰ খান্দি উলিওৱা হ'ল এটি নৰকংকাল । ডেৰ বছৰ পূৰ্বে মৃত্যু হোৱা এটি শিশু বৰ্তমানেও জীৱিত থকা বুলি গাঁওবাসীয়ে আশংকা কৰি কবৰ খান্দি শিশুটোৰ নৰকংকাল উলিয়ায়।
ডেৰ বছৰীয়া নৰ-কংকাল
উল্লেখ্য যে, ডেৰ বছৰ পূৰ্বে বিষাক্ত সাপৰ দংশনত খাগাইল এলেকাৰ এমাদ উদ্দিন নামৰ এটি চাৰি বছৰীয়া শিশুৰ মৃত্যু হৈছিল । এই মৃত শিশুটিক গাঁওবাসীয়ে ইছলামিক ৰীতি-নীতিৰে কবৰ দিয়া হৈছিল । কিন্তু এই ঘটনাৰ পাছতেই শিশুটি জীয়াই থকা বুলি পিতৃ-মাতৃয়ে প্ৰতিদিনে সপোন দেখে । যাৰ বাবে শনিবাৰে গাঁওবাসীয়ে বেজ আনি নৰ কংকালটো উলিয়ায় ।
