শিৱসাগৰ, 19মে' : শিৱসাগৰৰ ধাইআলিৰ বাঢ়ৈটিং বুধবৰীয়া বজাৰত প্ৰচণ্ড ধুমুহাৰ ফলত দুজন বাইক আৰোহীৰ ওপৰত উভালি পৰিল গছ ৷ বাইকেৰে গৈ থকা অৱস্থাত ভাস্কৰ গগৈ আৰু নৱজ্যোতি দাস নামৰ দুই বাইক আৰোহীৰ ওপৰত বাগৰি পৰে গছডাল ৷ যাৰ ফলত গুৰুতৰভাৱে আহত হয় যুৱক দুজন ৷ ভাস্কৰ গগৈৰ ঘৰ চাউলকৰা মঠাদাঙত আৰু নৱজ্যোতি দাসৰ ঘৰ আখৈক্ফুটীয়া বামবাৰীত ৷
শিৱসাগৰত বাইক আৰোহীৰ ওপৰত পৰিল গছ
ইফালে, গুৰুতৰভাবে আহত হোৱা যুৱক দুজনক স্থানীয় এখন ব্যক্তিগত চিকিৎসালয়ত ভৰ্তি কৰা হয় যদিও দুয়োজনৰ অৱস্থা সংকটজনক ৷ ইয়াৰে নৱজ্যোতি দাসক ডিব্ৰুগড়লৈ প্ৰেৰণ কৰা হৈছে বুলি জানিব পৰা গৈছে ৷
