তিনিচুকীয়া,22জুন : শুকুৰবাৰে নিশা তিনিচুকীয়া জিলাৰ কাকপথাৰ শিক্ষা খণ্ডৰ অন্তৰ্গত ১৯৫৭ চনত স্থাপিত হোৱা ৰূপাই প্ৰাথমিক বিদ্যালয়ৰ খহি পৰে চালি । বিদ্যালয়খনৰ শিক্ষয়ত্ৰীৰ মত অনুসৰি ১৯৫৭ চনত স্থাপন কৰা বিদ্যালয়খনৰ গৃহটো ১৯৬৩ চনতেই নিৰ্মাণ কৰা হৈছিল যদিও তাৰ পাছৰে পৰা মেৰামতিৰ বাবে কোনো ব্যৱস্থা গ্ৰহণ কৰা হোৱা নাই বিদ্যালয় গৃহটোৰ । বিদ্যালয় কৰ্তৃপক্ষৰ লগতে স্থানীয় ৰাইজে বিভাগীয় কৰ্তৃপক্ষক বহুবাৰ বিদ্যালয়খনৰ জৰাজীৰ্ণ অৱস্থাৰ সম্পৰ্কে জনাই আহিছে যদিও কৰ্তৃপক্ষ তথা শিক্ষা বিভাগে কোনো গুৰুত্ব প্ৰদান নকৰাৰ অভিযোগ উত্থাপন হৈছে । শীঘ্ৰেই বিদ্যালয়খনৰ মেৰামতি অথবা পুনৰ নিৰ্মাণৰ ব্যৱস্থা নকৰিলে যিকোনো মূহূৰ্ততে ভয়ংকৰ বিপদ নামি অহাৰ প্ৰকট হৈ পৰিছে । যাৰ বাবে বিদ্যালয়খনৰ ছাত্ৰ-ছাত্ৰীসকল সংকিত হৈ পৰিছে ।
ইফালে, এই দুৰ্ঘটনাটো নিশা সংঘটিত হোৱাৰ বাবে কথমপি প্ৰাণ ৰক্ষা পৰে বিদ্যালয়খনৰ ছাত্ৰ-ছাত্ৰীসকলৰ ।
