ইণ্টাৰনেশ্যনেল ডেস্ক, ৩ জুন: জৰ্জ ফ্লোয়েডৰ মৃত্যুৰ কেই ঘণ্টামানৰ পিছতেই অপৰাধী আৰক্ষী বিষয়া ডেৰেক চাওবিন আৰু তেওঁৰ আন ৩ জন সহযোগী বিষয়াক কৰ্মৰ পৰা অব্যাহতি দিয়া হয় । এই ঘটনাই এক অপৰাধৰ লগতে মিনিয়াপোলিছবাসীৰ সুৰক্ষাৰ ক্ষেত্ৰতো প্ৰশ্ন আঙুলিয়াই দিছে । ইয়াৰোপৰি এটা মৌলিক বিষয়ে গা কৰি উঠিছে যে, শ্বেতাংগ আৰক্ষী বিষয়াকেইজনে কৃষ্ণাংগ লোকৰ ওপৰত কিয় অত্যাচাৰ কৰিলে !
এই ঘটনা সন্দৰ্ভত বিশ্বজুৰি ‘Black Lives Matter’ শীৰ্ষক প্ৰতিবাদৰ জোৱাৰ উঠা পৰিলক্ষিত হৈছে । প্ৰতিবাদৰ মূলমন্ত্ৰ হিচাপে সকলোৱে I can't breathe শ্লোগানেৰে প্ৰতিবাদ সাব্যস্ত কৰে । 'I can't breathe' হৈছে আফ্ৰিকান-আমেৰিকান প্ৰতিবাদী শ্লোগান, য'ত দুজন কৃষ্ণাংগ লোকে শ্বেতংগৰ হাতত প্ৰাণ ত্যাগ কৰিবগীয়া হৈছিল । ২০১৪ চনত এৰিক গাৰ্ণাৰ আৰু ২০২০ চনত জৰ্জ ফ্লোয়েডে শ্বেতাংগ আৰক্ষী বিষয়াৰ হাতত প্ৰাণ আহুতি দিবলগীয়া হয় । এই দুই ঘটনাই যেন আমেৰিকাৰ আৰক্ষী-প্ৰশাসনৰ বৰ্বৰতাহে দেখুৱাই দিছে ।
ফ্লোয়েডৰ মৃত্যুৰ পিছতেই বেনেশা ব্ৰায়ণ্টে নিজৰ ইনষ্টাগ্ৰামৰ জৰিয়তে তেওঁৰ মৃত স্বামীৰ এখন ফটো শ্বেয়াৰ কৰি 'I can't breathe' শীৰ্ষক কেপচনেৰে প্ৰতিবাদত ভাগ লয় । উল্লেখ্য যে, শ্বেতাংগ আৰক্ষী বিষয়াকেইজনে জৰ্জ ফ্লোয়েডৰ ডিঙিত ৮ মিনিট ৪৬ ছেকেণ্ড সময়লৈকে চেপি ধৰাত অৱশেষত ফ্লোয়েডে বহুবাৰ I can't breathe বুলি চিঞৰি দিয়ে । ফ্লোয়েডৰ চিঞৰ শুনিও আৰক্ষী বিষয়াকেইজনে ফ্লোয়েডক উশাহ ল'বলৈ দিয়া নাছিল আৰু ফ্লোয়েডৰ উশাহ স্তব্ধ হোৱাৰ ২ মিনিট ৫৩ ছেকেণ্ডলৈ আৰক্ষী বিষয়া ডেৰেক চাওবিনে ফ্লোয়েডক ডিঙিত চেপি ধৰিছিল । ফ্লোয়েডৰ এই হত্যাকাণ্ডৰ পিছতেই 'I can't breathe'য়ে এক প্ৰতিবাদী ৰেলীৰ জন্ম দিয়ে ।
লগতে পঢ়ক:
