মৰাণ, ১৯ ডিচেম্বৰ : সমাগত বিধানসভা নিৰ্বাচনক লৈ ৰাজ্যৰ প্ৰতিটো সমষ্টিতে শাসক দল বিজেপিয়ে বৃদ্ধি কৰিছে ৰাজনৈতিক তৎপৰতা । দলীয় ভেঁটি শক্তিশালী কৰিবলৈ অনুষ্ঠিত কৰিছে এটাৰ পাছত আনটো দলীয় অনুষ্ঠান । নিৰ্বাচনক লক্ষ্য কৰিয়েই ৰূপায়ন কৰা হৈছে এখনৰ পাছত আন এখন আঁচনি । যাতে শাসক দলৰ প্ৰতি মোহভংগ নহয় ভোটাৰ ৰাইজ । বিশেষকৈ ৰাজ্যৰ প্ৰতিখন জিলাতে এতিয়া অৰুণোদয় আঁচনিৰ সফল ৰূপায়ণৰ বাবে জিলা প্ৰশাসনৰ লগতে মন্ত্ৰী-বিধায়কসকল ব্যস্ত হোৱা পৰিলক্ষিত হৈছে ।
শুকুৰবাৰে ডিব্ৰুগড় জিলাৰ মৰাণ বিধানসভা সমষ্টিৰ খোৱাং গাঁও পঞ্চায়তৰ অধীনৰ ৬০০ মহিলাৰ মাজত অৰুণোদয় আঁচনিৰ অনুমোদন পত্ৰ বিতৰণ কৰা হয় । মৰাণৰ বিধায়ক চক্ৰধৰ গগৈয়ে সভাত অংশ লৈ মহিলাসকলক অৰুণোদয় আঁচনিৰ অনুমোদন পত্ৰ বিতৰণ কৰে । সভাত খোৱাং গাঁও পঞ্চায়তৰ সভানেত্ৰী শীপ্ৰা ফুকনৰ লগতে ৱাৰ্ডৰ সদস্যসকল উপস্থিত থাকে ।
লগতে পঢ়ক : দুৰ্নীতিৰ ফাইল খোলাৰ ভয়ত বিজেপিমুখী অজন্তা নেওগ : ৰূপজ্যোতি কুৰ্মী
