বৈষ্ণৱ ছাত্ৰৰ চুলি কটা ঘটনাৰ তিনিদিন অতিক্ৰম কৰাৰ পাচতো মাৰ যোৱা নাই চাঞ্চল্য

মাজুলীৰ আউনীআটী হেমচন্দ্ৰ উচ্চ মাধ্যমিক বিদ্যালয়ৰ প্ৰধান শিক্ষক প্ৰশান্ত দোলাকাষৰীয়াৰ বিৰুদ্ধে ক্ষুব্ধ স্থানীয় ৰাইজ ৷ শিক্ষকগৰাকীক গ্ৰেপ্তাৰৰ দাবীত সোমবাৰে ছাত্ৰ সন্থাই পালন কৰিলে ক'লা দিন ৷

দেওবাৰে আউনীআটী সত্ৰৰ এখন সভাত প্ৰধান শিক্ষক প্ৰশান্ত দোলাকাষৰীয়াই ক্ষমা খোজাৰ পাচতো বিষয়টো মানি লোৱা নাই আছুৱে । আছুৰ আহ্বানত দোলাকাষৰীয়াক গ্ৰেপ্তাৰৰ দাবীত মাজুলীৰ প্ৰতিখন বিদ্যালয়ত ছাত্ৰ ছাত্ৰীয়ে ক'লা বেজ পৰিধান কৰি পালন কৰে ক'লা দিন ।