ডিফু, ৮ নৱেম্বৰ: গ্ৰেটাৰ ডিফু স্পৰ্টচ এছ'চিয়েছন চমুকৈ জিডিএছএৰ উদ্যোগত যোৱা ৪ নৱেম্বৰৰ পৰা ২০ নৱেম্বৰলৈ চলি থকা প্ৰথম জিডিএছএ মহিলা ফুটবল লীগ ২০২০ প্ৰতিযোগিতাত দেওবাৰৰ খেলত উন্নাৱ এফচিৰ হাতত দলদলী এফচি ১-০ গ'লৰ ব্যৱধানত পৰাজয় বৰণ কৰিবলগীয়া হয় ৷ দেওবাৰে বিয়লি ৩ বজাত ডিফুস্থিত 'কাছা' ৰ অত্যাধুনিক খেলপথাৰত অনুষ্ঠিত হয় খেলখন।
খেলখনৰ দ্বিতীয়াৰ্দ্ধৰ শেষলৈকে দলদলী এফচিৰ হৈ কোনো খেলুৱৈয়ে গ'ল পৰিশোধ কৰিব নোৱাৰিলে ৷ ফলত উন্নাৱ এফচি ১-০ গ'লত বিজয়ী হয় ৷ ৰেণছিং তেৰাঙে পৰিচালনা কৰা খেলখনত লাইনত সহায় কৰে ক্ৰমে, হনচিং কিলিঙ আৰু ৰামু ইংহিয়ে ৷ চতুৰ্থ ৰেফাৰী দায়িত্ব পালন কৰে বিজয় ৰংহাঙে ৷
লগতে পঢ়কঃ মূল্যবৃদ্ধিক লৈ বজাৰত খেপো মামাৰ হাহাকাৰ
