গুৱাহাটী,২জুনঃ গোসাইগাঁৱত চাকৰিৰ নামত যুৱকৰ পৰা ধন লুট । গুৱাহাটী মহানগৰীৰ মাইক্ৰ'ফাইনেঞ্চ নামৰ এটা ব্যক্তিগত কোম্পানীয়ে চাকৰিৰ নামত নিবনুৱা যুৱকৰ পৰা লুটিলে বৃহৎ পৰিমাণৰ ধন । এই কোম্পানীটোৱে গোসাইগাঁও,গুৱাহাটীকে ধৰি বহু ঠাইৰ যুৱকৰ পৰা ধন আত্মসাৎ কৰাৰ অভিযোগ উত্থাপিত হৈছে ।
উল্লেখ্য যে, গোসাইগাঁৱৰ ভাওৰাগুৰিৰ টকেয়ামাৰি গাঁৱৰ গাঁওবুঢ়া ৰহি দাসৰ পুত্ৰ দয়াল চন্দ্ৰ দাসৰ নেতৃত্বতে অঞ্চলটোৰ বহু কেইগৰাকী নিৱনুৱা যুৱকে কোম্পানীটোক চাকৰিৰ নামত দিছিল ধন । গাঁও পঞ্চায়ত আৰু ভি চি ডি চি পৰ্যায়ত এজনকৈ গাঁও পঞ্চায়তত মিত্ৰ নিযুক্তি দিয়া হ'ব বুলি কোম্পানীটোৱে যুৱকসকলৰ পৰা ধন আদায় কৰিছিল । কোম্পানীটোৱে কৰ্ম সংস্থাপনৰ প্ৰলোভন দি প্ৰশিক্ষণ আৰু অন্যান্য সামগ্ৰীৰ বাবদ পাঁচ হাজাৰৰ পৰা চল্লিশ হাজাৰকৈ টকা লৈ এখনকৈ নিযুক্তি পত্ৰ দিয়াৰ লগতে টকা লোৱাৰ ৰচিদ দিয়ে ।
কিন্তু কোম্পানীটোৰ ওপৰত যুৱকসকলৰ সন্দেহ হোৱাত গুৱাহাটীৰ কাৰ্যালয়ত যোগাযোগ কৰে যুৱকসকলে । কিন্তু যুৱককেইজনে গুৱাহাটীৰ কাৰ্যলয়ত উপস্থিত হোৱাত নিযুক্তিপত্ৰসমূহ ভুৱা বুলি নিশ্চিত হোৱাত চিন্তিত হৈ যুৱকসকলে সংবাদ মাধ্যমৰ কাষ চাপে আৰু গুৱাহাটীৰ উক্ত কোম্পানীটোৰ স্বত্বাধিকাৰীক ধন উভতাই দিবলৈ দাবী জনায় য
