বিশ্বজুৰি ১,১৯,৪১,৭৮৩ গৰাকীলৈ বৃদ্ধি কোভিড-১৯ আক্ৰান্তৰ সংখ্যা

বিশ্বৰ প্ৰায় ২১৩ খন দেশ তথা কেন্দ্ৰীয় শাসিত অঞ্চল কোভিড-১৯ মহামাৰীত আক্ৰান্ত হৈছে। বৰ্তমানলৈকে এই মহামাৰীৰ ফলত মৃত্যুমুখত পৰিছে ৫,৫৫,৬৫২ গৰাকী ৰোগী।

নিউজ ডেস্ক, ৮ জুলাইঃ বিশ্বজুৰি ১,১৯,৪১,৭৮৩ গৰাকীলৈ বৃদ্ধি পাইছে কোভিড-১৯ মহামাৰীত আক্ৰান্ত হোৱা লোকৰ সংখ্যা । আনহাতে, এই মহামাৰীৰ ফলত ৫,৫৫,৬৫২ গৰাকী লোকৰ মৃত্যু হোৱাৰ বিপৰীতে ৬৮,৪৪,৯৭৩ গৰাকী ৰোগীয়ে আৰোগ্য লাভ কৰিছে। বিশ্বৰ প্ৰায় ২১৩ খন দেশ তথা কেন্দ্ৰীয় শাসিত অঞ্চল এই মহামাৰীৰ কৱলত পৰিছে বুলি জানিব পৰা গৈছে।

চীনৰ ৰাষ্ট্ৰীয় আয়োগে বুধবাৰে প্ৰকাশ কৰা তথ্য অনুসৰি মঙলবাৰে ৰাষ্ট্ৰখনৰ মুখ্য ভূমি (Chinese mainland)ত নতুনকৈ ৭ গৰাকী লোকৰ কোভিড-১৯ পজিটিভ পোৱা গৈছে । সম্প্ৰতি চীনৰ মুখ্য ভূমিত কোভিড-১৯ আক্ৰান্ত লোকৰ সংখ্যা ১,৯৪৯ গৰাকীলৈ বৃদ্ধি পাইছে ।