বঙাইগাঁও, ২৫ জুন : সদ্যঘোষিত অসম উচ্চতৰ মাধ্যমিক পৰীক্ষাত সাফল্য কঢ়িয়াই আনিছে বঙাইগাঁও হায়াৰ ছেকেণ্ডাৰী স্কুলৰ ফাৰহানুৰ ৰহমানে । উল্লেখ্য যে, বঙাইগাঁও জিলাৰ অভয়াপুৰীৰ নয়াপাৰাৰ বাসিন্দা ঠিকাদাৰ তালেবুৰ ৰহমান আৰু মাতৃ ফ্ৰোজা ৰহমানৰ পুত্ৰ ফাৰহানুৰ ৰহমানে সমগ্ৰ অসমৰ ভিতৰতে কলা শাখাত তৃতীয় স্থান লাভ কৰিবলৈ সক্ষম হৈছে ।
অভয়াপুৰীৰ পৰা প্ৰায় ২৮ কি:মি: পথ অতিক্ৰম কৰি ইংৰাজী মাধ্যমৰ বঙাইগাঁও হায়াৰ ছেকেণ্ডাৰীত পঢ়া ফাৰহানুৰ ৰহমানে ভৱিষ্যতে অধ্যাপক অথবা প্ৰশাসনিক বিষয়া হোৱাৰ ইচ্ছা প্ৰকাশ কৰে । চ'ছিয়েল মিডিয়াৰ পৰা দূৰত থকা ছাত্ৰজনে পঢ়াশুনাৰ কামত কেতিয়াবা মাতৃৰ মোবাইলেৰে হোৱাটছ এপ ব্যৱহাৰ কৰিছিল । কঠোৰ পৰিশ্ৰম কৰি সাফল্য অৰ্জন কৰা অতি সাধাৰণ ছাত্ৰ ফাৰহানৰ ফলাফলত সকলোৱে প্ৰশংসাত মন্ত্ৰমুগ্ধ হৈ পৰে ।
লগতে পঢ়ক : কলা শাখাত দ্বিতীয় স্থানেৰে জিলিকিল হোজাইৰ চাইমা
