নিৰ্বাচনৰ বাবে ধুবুৰীত চলিছে বোকা ছটিওৱাৰ ৰাজনীতি । ভাষা জ্ঞান আৰু শিক্ষাগত অৰ্হতাক লৈ বদৰুদ্দিন আজমল আৰু জাবেদ ইছলামৰ মাজত চলিছে তুমুল বাকযুদ্ধ । বুধবাৰে ধুবুৰীৰ কলেজ নগৰত অনুষ্ঠিত হোৱা এখন নিৰ্বাচনী সভাত অংশগ্ৰহণ কৰে অগপ বিজেপি আৰু বি.পি.এফ. মিত্ৰদলৰ প্ৰাৰ্থী জাবেদ ইছলামে । ইছলামে সভাত অংশগ্ৰহণ কৰি আজমলৰ বিৰুদ্ধে সৰৱ হৈ পৰে । দৰাচলতে, তিনিদিন পূৰ্বে গোলকগঞ্জৰ এখন নিৰ্বাচনী জনসভাত আজমলে মিত্ৰদলৰ প্ৰাৰ্থী জাবেদ ইছলামৰ শিক্ষাগত অৰ্হতা নাই বুলি মন্তব্য কৰা প্ৰসংগত ইছলামে ধুবুৰীৰ নিৰ্বাচনী সভাত কয়-"ইংৰাজী আৰু হিন্দী ভাষাৰ জ্ঞান একেবাৰেই নাই আজমলৰ" । আনহাতে, আজমলে মেট্ৰিকটো বাদেই পঞ্চম শ্ৰেণীত উত্তীৰ্ণ হৈছে নে নাই তাৰো সন্দেহ প্ৰকাশ কৰি আজমলে আধা ঘন্টা ইংৰাজী ভালদৰে ক'ব নোৱাৰে মন্তব্য কৰে ইছলামে ।
আনহাতে বদৰুদ্দিন আজমলে দীৰ্ঘদীন ধৰি জাবেদ ইছলামৰ শিক্ষাগত অৰ্হতাক লৈ প্ৰশ্ন কৰি আহিছে ইছলামে মত প্ৰকাশ কৰি কয় আজমলে একো উন্নয়ন কৰা নাই ,বৰঞ্চ ভোটৰ লালসাত ৫ বছৰৰ মুৰে-মুৰে ৰাইজৰ মাজলৈ আহে ।
