ৰাজ্যত পুনৰ সৰ্বানন্দ সোণোৱালৰ নেতৃত্বতেই হ’ব চৰকাৰ:বিধায়ক ভাস্কৰ শৰ্মা

সমাগত ২১ৰ বিধানসভা নিৰ্বাচনত বিধায়ক গৰাকীৰ জয় নিশ্চিত বুলি জনোৱাৰ লগতে পুনৰ সৰ্বানন্দ সোণোৱালৰ নেতৃত্বত অসমত চৰকাৰ গঠন কৰিব বুলি মত প্ৰকাশ কৰে ৷

শদিয়া, 26 ছেপ্টেম্বৰ : মাৰ্ঘেৰিটা সমষ্টিৰ অতিকৈ পিচপৰা বুঢ়িদীহিং মৌজাৰ কৈলাশপুৰ পঞ্চায়তৰ বহুকেইটা কামৰ শুভাৰম্ভ কৰে মাৰ্ঘেৰিটা সমষ্টিৰ বিধায়ক ভাস্কৰ শৰ্মাই ৷ নামঘৰ, বজাৰ, জিমকে ধৰি পঞ্চায়তখনৰ ৬ টাকৈ কামৰ শুভাৰম্ভ কৰি স্বাধীনতাৰ পিছত উন্নয়নৰ মুখ নেদেখা অঞ্চলটোত উন্নয়নৰ কাম কৰিবলৈ পাই নিজকে সোভাগ্যবান বুলি উল্লেখ কৰিলে বিধায়কগৰাকীয়ে ৷ লগতে কৈলাশপুৰ পঞ্চায়ত প্ৰাঙ্গনত হোৱা এক যোগদান সমাৰোহত অঞ্চলটোৰ কংগ্ৰেছকে ধৰি বিভিন্ন দল সংগঠনৰ প্ৰায় বিশগৰাকীকৈ যুৱক-যুৱতীয়ে ভাৰতীয় জনতা দলত আনুষ্ঠানিক ভাৱে যোগদান কৰে ৷

মাৰ্ঘেৰিটাত নতুন কামৰ শুভাৰম্ভ কৰে বিধায়ক ভাস্কৰ শৰ্মাই

সমাগত ২১ৰ বিধানসভা নিৰ্বাচনত নিজৰ জয় নিশ্চিত বুলি দাবী কৰাৰ লগতে ৰাজ্যত পুনৰ সৰ্বানন্দ সোণোৱালৰ নেতৃত্বতেই চৰকাৰ গঠন হ’ব বুলি বিধায়ক গৰাকীৰ কৰিলে মত প্ৰকাশ ৷

লগতে পঢ়ক: স্থান এৰি মান হেৰুৱালে যতীন বৰাই