নিউজ ডেস্ক, 26 আগষ্ট : নাৰীক সৃষ্টিৰ মূল চালিকা শক্তি হিচাপে গণ্য কৰা হয় । সম্প্ৰতি সময়ত নাৰীয়ে অৰ্থনৈতিক, ৰাজনৈতিক আৰু সামাজিক সকলো ক্ষেত্ৰতে নিজৰ সাফল্য লাভ কৰিবলৈ সক্ষম হৈছে ৷ ৰান্ধনিশালৰ পৰা মহাকাশলৈ সকলো ক্ষেত্ৰতে মহিলাসকলে নিজৰ প্ৰভাৱ বিস্তাৰ কৰিবলৈ সক্ষম হৈছে ৷ প্ৰতিৰক্ষা ক্ষেত্ৰতো মহিলাসকলে নিজৰ স্থান সুনিশ্চিত কৰিছে ৷
নাৰীক পুৰুষৰ সমতুল্য বুলি গণ্য কৰা হয় ৷ তথাপিও যেন অতীতৰ পৰা বৰ্তমানলৈকে নাৰী হৈ আহিছে অৱহেলিত, শোষিত ৷ বিশ্বৰ বিভিন্ন প্ৰান্তত এতিয়াও নাৰীক পুৰুষৰ দৰে নিজৰ ভৰিৰ ওপৰত থিয় হ'বলৈ, তেওঁলোকৰ শিক্ষা সম্পূৰ্ণ কৰিবলৈ অনুমতি দিয়া নহয় । ঘৰৰ চাৰিবেৰৰ মাজত তেওঁলোকক আৱদ্ধ কৰি ৰখা হয় ৷
নাৰীৰ সম অধিকাৰ আৰু সুযোগ দিয়াৰ বাবে তথা মহিলাৰ সমতাৰ বিষয়ে সজাগতা বিয়পাবলৈ প্ৰতি বছৰে 26 আগষ্ট দিনটো মহিলা সমতা দিৱস হিচাপে পালন কৰা হয় ।
আমেৰিকা যুক্তৰাষ্ট্ৰই ১৯২০ চনত প্ৰথমবাৰলৈ সংবিধানৰ ১৯ তম সংশোধনীৰ জৰিয়তে মহিলাসকলক ভোটদানৰ অধিকাৰ প্ৰদান কৰি ২৬ আগষ্টৰ দিনটো মহিলা সমতা দিৱস হিচাপে উদযাপন কৰে ৷ মহিলা সমতা দিৱস উদযাপনৰ জৰিয়তে মহিলাসকলক সম্পূৰ্ণ সমতা অৰ্জনৰ বাবে নিৰন্তৰ প্ৰচেষ্টাৰ ওপৰত আলোকপাত কৰাই হৈছে ইয়াৰ মূল উদ্দেশ্য ।
লগতে পঢ়ক : জীৱন মৃত্যুৰে যুঁজি যুঁজি হাৰি গ’ল নন্দিতা
